অসম লাইভ ২৪ঃ ঈদৰ দিনাও মুছলমানক আক্ৰমণ RSS প্ৰধানৰ। গুৱাহাটীত মুছলমানৰ বিৰুদ্ধে সৰৱ RSS প্ৰধান মোহন ভাগৱত। শ্ৰীমন্ত শংকৰদেৱ কলাক্ষেত্ৰত অধ্যাপক ননী গোপাল মহন্তৰ citizenship debate over NRC and CAA শীর্ষক গ্ৰন্থৰ উন্মোচনী সভাত অংশগ্ৰহণ কৰি দেশত মুছলমানৰ সংখ্যা বৃদ্ধি সম্পর্কত বিতৰ্কিত মন্তব্য কৰে মোহন ভাগৱতে। তেওঁৰ মতে, ১৯৩০ৰ পৰাই মুছলমানৰ সংখ্যা বঢ়োৱাৰ প্ৰচেষ্টা পৰিকল্পিতভাৱে চলি আহিছে। ভাৰতক পাকিস্তান সজোৱাৰ পৰিকল্পনা কৰিছে মুছলমানসকলে। ইফালে, গ্ৰন্থ উন্মোচনী সভাত উপস্থিত হৈ মুখ্যমন্ত্ৰী হিমন্ত বিশ্ব শর্মায়ো মুছলমান সম্পর্কীয় মন্তব্য কৰে। ৰাজ্যৰ বাওঁপন্থীৰ বিৰুদ্ধেও সৰৱ মুখ্যমন্ত্ৰী ড০ শর্মা। অসমৰ বৌদ্ধিক মহল বা বৌদ্ধিক সমাজ আজিও বাওঁপন্থী আৰু সাম্যবাদীৰ দ্বাৰা প্ৰভাৱিত বুলি উল্লেখ কৰে মুখ্যমন্ত্ৰীগৰাকীয়ে। অসমৰ বাওঁপন্থীসকল কার্লমাক্সতকৈও বেছি বাওঁপন্থী বুলি কটাক্ষ মুখ্যমন্ত্ৰীৰ। মুখ্যমন্ত্ৰীৰ মতে বাওঁপন্থীসকলে বেছি পঢ়া-শুনা কৰা নাই। অসমৰ বুৰঞ্জী পঢ়া নাই, স্বাধীনতা সংগ্ৰামীসকলৰ বেদনাৰ বিষয়েও জ্ঞান নাই অসমৰ বাওঁপন্থীসকলৰ। ইয়াৰ বিপৰীতে অধ্যাপক ননী গোপাল মহন্তৰ CAA আৰু NRC সম্পর্কীয় গ্ৰন্থখন গৱেষণাৰ ফচল বুলি লেখকগৰাকীক উচ্চ প্ৰশংসা কৰে মুখ্যমন্ত্ৰী হিমন্ত বিশ্ব শর্মাই। ৰাজ্যৰ মুখ্যমন্ত্ৰী আৰু rss প্ৰধানৰ এনে মন্তব্যক লৈ অসন্তুষ্টি প্ৰকাশ কৰাৰ লগতে চৰ্চা আৰম্ভ হৈছে ৰাজ্যৰ বিভিন্ন মহলত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
