সঁচাকৈয়ে সুৰজৰ সৈতে বিবাহবিচ্ছেদ হৈছেনে মৌনী ৰয়ৰ? মুখ খুলিছে মৌনীয়ে? বিচ্ছেদক লৈ কি মন্তব্য?

টেলিভিছনৰ পৰা বলীউড, নিজৰ অভিনয় আৰু গ্লেমাৰক লৈ পৃথক পৰিচয় তৈয়াৰ কৰিছে মৌনী ৰায়ে৷ বিগত কেইবাদিনত তেওঁৰ ব্যক্তিগত জীৱনক লৈ আৰম্ভ হৈছে চৰ্চা৷ অভিনেত্ৰীৰ স্বামী সুৰজ নাম্বিয়াৰৰ সৈতে সম্পৰ্কত যতি পৰিছে বুলি চৰ্চা চলিছে সামাজিক মাধ্যমত৷ আনকি তেওঁলোকৰ বিচ্ছেদ হ’ব পাৰে বুলিও নানান পোষ্ট আৰু আলোচনা দেখা গৈছে৷ এই পৰিস্থিতিত অৱশেষত মুখ খুলিছে মৌনীয়ে৷

সম্প্ৰতি নেট নাগৰিকৰ নজৰলৈ আহিছে মৌনী আৰু সুৰজ এজনে আনজনক ইনষ্টাগ্ৰামত আনফলো কৰিছে৷ ইয়াৰোপৰি সুৰজৰ ইনষ্টাগ্ৰাম একাউণ্টো বিচাৰি পোৱা নাই৷ ইয়াৰ পাছৰে পৰাই আৰম্ভ হৈছে বিচ্ছেদৰ চৰ্চা৷ বহুতেই ধাৰণা কৰিছে যে তেওঁলোকৰ সম্পৰ্ক ভাঙিল৷ কোনো কোনোৱে দাবী কৰিছে যে তেওঁলোক বহুদিন ধৰি পৃথকেই আছে৷ অৱশ্যে এইসমূহ তথ্যৰ কোনো সঠিক প্ৰমাণ এতিয়াও পোৱা নাই৷

বিতৰ্ক বাঢ়োতেই নীৰৱতা ভাঙিছে মৌনীয়ে৷ বুধবাৰে তেওঁ ইনষ্টাগ্ৰাম ষ্টৰিত এটা পোষ্ট শ্বেয়াৰ কৰিছে৷ তাতেই তেওঁৰ ব্যক্তিগত বিষয়ক লৈ আলোচনা নকৰিবলৈ অনুৰোধ কৰিছে৷ তেওঁ লিখিছে, ‘মই সকলো মিডিয়া হাউছক অনুৰোধ কৰিছো তেওঁলোকে যেন মিছা তথ্য প্ৰকাশ নকৰে৷ আমাক অকণমান অকলশৰীয়াকৈ সময় দিয়ক আৰু গোপনীয়তা বজায় ৰাখক৷’ তেওঁ বিচ্ছেদ সম্পৰ্কীয় পোষ্ট দেখি যে বিৰক্ত হৈ পৰিছে সেয়া তাৰেই ইংগিত৷