দুবেলা ব্ৰাছ কৰিলেও মুখ মেলিলেই দুৰ্গন্ধ৷ মুখৰ গোন্ধক লৈ আপুনিও অস্বস্তিত ভূগি আছে নেকি? নানান কাৰণত মুখ গোন্ধৰ সমস্যা হ’ব পাৰে৷ মুখৰ পৰা দুৰ্গন্ধ বাহিৰ হোৱা বা দুৰ্গন্ধযুক্ত শ্বাসক চিকিৎসাবিজ্ঞানৰ ভাষাত কোৱা হয় হেলিটোচিছ৷ ইয়াৰ নেপথ্যত বিভিন্ন কাৰণ থাকিব পাৰে৷ দাঁতৰ সঠিক যত্ন লোৱা বা কিছু বিশেষ খাদ্য, মুখত শুষ্কতা কিংবা শৰীৰৰ অন্য কোনো স্বাস্থ্যজনিত সমস্যা৷ মাজে মাজে বেয়া শ্বাস হোৱাটো স্বাভাৱিক, কিন্তু যদি এয়া দীৰ্ঘস্থায়ী হয় তেন্তে মুখগহ্বৰৰ কোনো সমস্যা আৰু গুৰুতৰ শাৰীৰিক অসুস্থতাৰ লক্ষণো হ’ব পাৰে৷ দাঁত পোকে খোৱা, দাঁতৰ ফাঁকে ফাঁকে খাদ্য জমা হোৱা, মুখগহ্বৰৰ সংক্ৰমণৰ দৰে কিছু কাৰণৰ মুখত দুৰ্গন্ধ হয়৷ সঠিকভাৱে দাঁত নামাজিলে, জিভা পৰিষ্কাৰ নকৰিলে মুখেৰে দুৰ্গন্ধ ওলায়৷ ইয়াৰোপৰি শৰীৰত পানীৰ ঘাঁটি হলেও মুখেৰে দুৰ্গন্ধ ওলাব পাৰে৷ কেৱল সেয়াই নহয়, পেট আৰু লিভাৰৰ সমস্যাৰ কাৰণেও মুখেৰে দুৰ্গন্ধ ওলায়৷ বহু সময়ত মুখৰ দুৰ্গন্ধ কোনো অসুখৰো ইংগিত হব পাৰে৷
কি কি অসুখৰ কাৰণে মুখেৰে দুৰ্গন্ধ ওলাব পাৰে?
- মুখৰ ভিতৰত যদি পৰ্যাপ্ত পৰিমাণে থু বা ছেলাইভা তৈয়াৰ নহয় তেতিয়া সেই পৰিস্থিতিক কোৱা হয় ড্ৰাই মাউথ৷ এই পৰিস্থিতিত শৰীৰে নিজে মুখৰ ভিতৰখন পৰিষ্কাৰ কৰিব নোৱাৰে৷ খাদ্যৰ কণা মুখৰ ভিতৰত ৰৈ যায় তাৰপৰাই মুখত দুৰ্গন্ধ বাঢ়ে৷ নানান কাৰণত মুখৰ ভিতৰ শুষ্ক হৈ যাব পাৰে৷ যেনে ডিডাইড্ৰেছন, তামাক সেৱন, কফি বা এলক’হল খোৱা, শুকান মছলাজাতীয় খাদ্য খোৱা৷
- টনছিল ষ্টোনৰ কাৰণেও মুখত দুৰ্গন্ধ ওলায়৷ বহু সময়ত টনছিলৰ ওপৰত খাদ্য জমা হৈ থাকে, তাৰফলত টনছিল ষ্টোন তৈয়াৰ হয়৷ ইয়াৰ ফলত মুখেৰে দুৰ্গন্ধ ওলায়৷
- দীৰ্ঘদিন ধৰি ডায়বেটিছত ভূগিলেও মুখেৰে দুৰ্গন্ধ ওলাব পাৰে৷ ডায়বেটিছৰ কাৰণে মুখৰ ভিতৰত সংক্ৰমণ হ’ব পাৰে৷ ফলত মুখত দুৰ্গন্ধ ওলায়৷
- শৰীৰত ভিটামিন ডিৰ ঘাটি হলেও মুখেৰে দুৰ্গন্ধ ওলায়৷ ভিটামিন ডিয়ে কেলছিয়াম শোষণত সহায় কৰে৷ দাঁত ভালে ৰখাতো বিশেষ ভূমিকা আছে এই ভিটামিনৰ৷ দেহত পৰ্যাপ্ত পৰিমাণে ভিটামিন ডি নাথাকিলে দাঁতৰ সমস্যাই দেখা দিব পাৰে৷ ক্ষয় যাব পাৰে এনামেলে৷ দাঁতৰ বিভিন্ন সমস্যাৰ লগতে মুখেৰে দুৰ্গন্ধ ওলাব ধৰে ভিটামিন ডিৰ ঘাঁটিৰ ফলত৷
- ভিটামিন চিৰ ঘাঁটি হলেও মুখেৰে দুৰ্গন্ধ ওলাব পাৰে৷ ভিটামিন চি কমি গলে মুখত ঘাঁ হ’ব পাৰে৷ যাৰ ফলত মুখেৰে দুৰ্গন্ধ ওলায়৷ কোনো ঘৰোৱা উপায়েৰে মুখৰ দুৰ্গন্ধৰ মোকাবিলা কৰিব পাৰি৷
- পৰিপাকতন্ত্ৰৰ সমস্যা থাকিলেও মুখেৰে দুৰ্গন্ধ ওলায়৷ যিসকলৰ ঘনে ঘনে গেছ, পেট ফোঁলা, এছিডিটিৰ দৰে সমস্যা থাকে তেওঁলোকৰ মুখেৰেও দুৰ্গন্ধ ওলাব পাৰে৷ মুখৰ দুৰ্গন্ধৰ অন্যতম কাৰণ হৈছে চাইনাছৰ সংক্ৰমণ৷ এইক্ষেত্ৰত নাক কিংবা মুখেৰে গাঢ় হালধীয়া বা সেউজীয়া মিউকেছ বাহিৰলৈ আহে যাৰ ফলত দুৰ্গন্ধৰ সৃষ্টি হয়৷
কি কি ঘৰুৱা উপায়েৰে দুৰ্গন্ধ দূৰ কৰিব?
- দৈঃ দৈত থাকে লেক্টোবেছিলাছ নামৰ স্বাস্থ্যকৰ বেক্টেৰিয়া৷ গৱেষণাত দেখা গৈছে যে দৈত কেৱল শৰীৰৰ অন্যান্য ক্ষতিকৰ বেক্টেৰিয়াৰ সৈতে যুঁজ কৰিবলৈ সক্ষম নহয়৷ দৈ মুখৰ দুৰ্গন্ধ দূৰ কৰাতো এক্সপাৰ্ট৷ দৈয়ে মুখৰ দুৰ্গন্ধ দূৰ কৰে৷ নহৰু খোৱাৰ পাছতেই অলপ দৈৰে মুখ কুলকুলি কৰিলেও দুৰ্গন্ধ পলায়৷
- নিমখ পানীৰে কুলকুলিঃ মুখৰ দুৰ্গন্ধ দূৰ কৰিবলৈ নিমখ পানীৰে কুলকুলি কৰা উচিত৷ ইয়াৰোপৰি দিনত লং মুখত ৰাখক৷ মুখৰ দুৰ্গন্ধ এনেকৈয়ো দূৰ হয়৷ মুখত পিঁয়াজ বা নহৰুৰ দুৰ্গন্ধ থাকিলে এক গ্লাছ পানীত এপল চিডাৰ ভিনেগাৰ মিহলাই কুলকুলি কৰক৷ দুৰ্গন্ধ পলাই৷
- কমলাঃ বহুতৰে মুখৰ দুৰ্গন্ধৰ কারণ তেওঁলোকৰ মুখগহ্বৰত পৰ্যাপ্ত লেলাৱতি তৈয়াৰ নোহোৱা৷ ফলত দুৰ্গন্ধ সৃষ্টিকাৰী বেক্টেৰিয়া মুখতেই ৰৈ যায়৷ গৱেষণাত দেখা গৈছে কমলাত থকা ভিটামিন চিয়ে মুখৰ দুৰ্গন্ধ দূৰ কৰে৷ খাদ্য খোৱাৰ পাছত একাপ আনাৰসৰ ৰস খালে বা কেইটুকুৰামান আনাৰস চোবাই দিলে মুখৰ দুৰ্গন্ধ দূৰ হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
