পুৱাই হাহাকাৰ, বিহাৰৰ প্ৰাক্তন মন্ত্ৰী তথা ভি আই পাৰ্টীৰ ৰাষ্ট্ৰীয় সভাপতি মুকেশ সাহনিৰ পিতৃৰ ক্ষত-বিক্ষত দেহ উদ্ধাৰ
আজি ১৬ জুলাই তাৰিখে পুৱাই হাহাকাৰ লাগি যায় বিহাৰত। যি খবৰে এতিয়া চাৰিওফালে কেৱল চাঞ্চল্য। বিকাশশীল ইন্সান পাৰ্টীৰ ৰাষ্ট্ৰীয় সভাপতি মুকেশ সাহনিৰ পিতৃক ঘৰৰ ভিতৰতে হত্যা। ক্ষত-বিক্ষত অৱস্থাত উদ্ধাৰ মৃতদেহ।
লাভ কৰা তথ্য অনুসৰি বিহাৰ চৰকাৰৰ প্ৰাক্তন মন্ত্ৰী তথা বীলউড ছেট ডিজাইনাৰ মুকেশ সাহনিৰ পিতৃ জিতন সাহনীক তেওঁৰ ঘৰতে চোকা অস্ত্ৰৰে আক্ৰমণ কৰি হত্যা কৰা হয়। ঘৰৰ ভিতৰত অংগচ্ছেদ কৰা মৃতদেহ উদ্ধাৰ হোৱাৰ পিছতে অঞ্চলটোত চাঞ্চল্যৰ সৃষ্টি হৈছে। এই ঘটনা সংঘটিত হৈছে বীৰৌল থানা এলেকাৰ সুপৌলৰ।
ঘটনা সন্দৰ্ভত ভিআইপি দলৰ নেতা দেৱ জ্যোতিয়ে কয় যে আমি মাত্ৰ কিছু সময়ৰ পূৰ্বে এই ঘটনাৰ তথ্য পাইছিলোঁ। বৰ্তমান আমাৰ দলৰ নেতা মুকেশ সাহনী মুম্বাইত। কিছু সময়ৰ পিছত পাটনা পাবগৈ।
দেৱ জ্যোতিয়ে কয় যে আমাৰ নেতাৰ পিতৃক কিয় হত্যা কৰা হ’ল সেয়া আমি এতিয়াও জানিব পৰা নাই। আমি তথ্য লাভৰ চেষ্টা কৰিছো। কিছু সময়ৰ পাছত আমাৰ নেতাসকলে পাটনা পাব আৰু তাৰ পিছত দৰভংগা পাব।
হত্যাকাণ্ডৰ তথ্য লাভ কৰি অঞ্চলটোত আতংকৰ সৃষ্টি হৈছে। আৰক্ষীয়ে খৰখেদাকৈ সেই স্থান পালেগৈ। এই সন্দৰ্ভত আৰক্ষীয়ে তদন্ত আৰম্ভ কৰিছে। প্ৰাথমিক তথ্য অনুসৰি জীতন সাহানীৰ বাহিৰেও ঘৰটোত ২ৰ পৰা ৩জন সহায়ক আৰু এজন চালকে বাস কৰিছিল। জীতন সাহনীক চোকা অস্ত্ৰৰে হত্যা কৰা হৈছিল, যাৰ বাবে তেওঁৰ মৃতদেহ অংগচ্ছেদ হৈ পৰি আছিল।
ঘটনাৰ পিছতে আৰক্ষী উপস্থিত হৈছে মুকেশ সাহনিৰ পিতৃৰ ঘৰৰত। গোচৰটোৰ তদন্তত ব্যস্ত হৈ পৰিছে সকলো আৰক্ষী বিষয়া। আৰক্ষীকে ধৰি আশে-পাশে থকা ৰাইজে মুকেশ সাহনিৰ পিতৃ জিতন সাহনীক কিয় হত্যা কৰা হ’ল সেই সন্দৰ্ভত একো ক’বলৈ অস্বীকাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
