বিগত সপ্তাহত দেশজুৰি পেট্ৰল, ডিজেল আৰু চিএনজিৰ দাম বাঢ়িছে৷ মধ্যপ্ৰাচ্যৰ যুদ্ধৰ প্রভাৱৰ কথা উল্লেখ কৰি প্ৰধানমন্ত্ৰী মোদীয়ে ইন্ধন ব্যৱহাৰ যথাসম্ভৱ কমাবলৈ আবেদনো কৰিছে৷ বিত্তমন্ত্ৰণালয়ে বেংক, বীমা সংস্থা আৰু আৰ্থিক সংস্থাসমূহক ব্যয় সংকোচনৰ আবেদন কৰিছে৷
ৰয়টাৰ্ছৰ এক প্ৰতিবেদন অনুসৰি চৰকাৰী আদেশত ব্যয় কমোৱাৰ ওপৰত জোৰ দিয়া হৈছে৷ কৰ্মকৰ্তাসকলক বিদেশ ভ্ৰমণ কমোৱা, বৈঠকৰ বাবে ভিডিঅ’ কনফাৰেন্সিঙৰ ব্যৱহাৰ বঢ়োৱা আৰু বৈদ্যুতিক যানবাহন চলোৱাৰ প্ৰৱণতা বঢ়োৱাৰ কথা কোৱা হৈছে৷ বিত্ত মন্ত্ৰণালয়ৰ তৰফৰ পৰা জাৰি কৰা আদেশত ষ্টেট বেংক অফ ইণ্ডিয়া, বেংক অফ বৰোদা, এল আই চিৰ দৰে ডাঙৰ ডাঙৰ সংস্থাৰ ক্ষেত্ৰত এই নীতি প্ৰযোজ্য হ’ব বুলিও কোৱা হৈছে৷
বিদেশ ভ্ৰমণ কমোৱা
চৰকাৰৰ ব্যয় সংকোচনৰ বাবে যিসমূহ পৰামৰ্শ দিছে তাৰমাজত অন্যতম বিদেশ ভ্ৰমণ কমোৱা৷ জনোৱা হৈছে সোঁশৰীৰে উপস্থিত নাথাকিলে ভিডিঅ’ কনফাৰেন্সৰ মাধ্যমেৰেই কাম পৰিচালনাৰ ওপৰত জোৰ দিয়া হ’ব৷ বিদেশ ভ্ৰমণ কমাব লাগিব৷ যিমানদূৰ সম্ভৱ বিদেশি অনুষ্ঠানসমূহত ভাৰ্ছুৱেলী অংশগ্ৰহণ কৰিব লাগিব৷
বৈদ্যুতিক যানবাহনৰ ব্যৱহাৰ
চৰকাৰৰ তৰফৰ পৰা বৈদ্যুতিক যানবাহনৰ ব্যৱহাৰ বৃদ্ধিৰ বাবেও আহ্বান জনাইছে চৰকাৰে৷ নিৰ্দেশত কোৱা হৈছে সংস্থাসমূহক যিমান বেছি সম্ভৱ ভাড়া কৰা পেট্ৰল আৰু ডিজেল চালিত বাহন এৰাই চলাৰ আবেদন জনোৱা হৈছে৷ তেতিয়া ইন্ধনৰ ব্যৱহাৰ কমিব৷
প্ৰধানমন্ত্ৰী মোদীৰ আবেদন
কৰ’না মহামাৰীৰ সময়ত গৃহীত পদক্ষেপসমূহৰ দৰেই প্ৰধানমন্ত্ৰী নৰেন্দ্ৰ মোদীয়ে কৰ্মকৰ্তা আৰু নাগৰিকসকলক ঘৰৰ পৰা কাম, অনলাইন মিটিং আৰু ভিডিঅ’ কনফাৰেন্সিং পুনৰায় আৰম্ভ কৰাৰ বাবে আহ্বান জনোৱা হৈছে৷
প্ৰধানমন্ত্ৰী মোদীয়ে কয় যে খাৰুৱা তেলৰ ক্ৰমবৰ্ধমান মূল্য আৰু বৈশ্বিক অস্থিৰতাই ভাৰতৰ বৈদেশিক মুদ্ৰাৰ ৰিজাৰ্ভৰ ওপৰত চাপ সৃষ্টি কৰিছে৷ বিশ্বৰ তেল আৰু গেছৰ চাহিদাৰ বাবে অত্যন্ত গুৰুত্বপূৰ্ণ হৰমুজ প্ৰণালী আৰু ইয়াৰ আশেপাশে থকা প্ৰতিবন্ধকতা, তেল আমদানিৰ ওপৰত নিৰ্ভৰশীল ভাৰতৰ দৰে দেশসমূহৰ উদ্বেগ বাঢ়িব ধৰিছে৷ প্ৰধানমন্ত্ৰীয়ে ভাষণত মেট্ৰ সংযোগযুক্ত চহৰৰ বাসিন্দাসকলক গণপৰিবহণ ব্যৱহাৰ কৰিবলৈ আৰু ব্যক্তিগত যানবাহনৰ অপ্ৰয়োজনীয় ব্যৱহাৰ কমোৱাৰ আহ্বান জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
