অসম লাইভ ২৪ঃ চীনৰ এটা শেহতীয়া ইউটিউব ভিডিঅ’ই ছ’চিয়েল মিডিয়াত চাঞ্চল্যৰ সৃষ্টি কৰিছে। অবিশ্বাস্য যেন লগা আন এক কাৰ্য সম্পাদন কৰি এইবাৰ চৰ্চাত চীন। ২৮ ঘণ্টা ৪৫ মিনিটত চীনে সাজি উলিয়াইছে এক গগনচুম্বী অট্টালিকা। ১৩ জুনত ১০ মহলাৰ এটা অট্টালিকা সাজি উলিয়াইছে চীনৰ ব্ৰুড গ্ৰুপ নামৰ এটা সংস্থাই। কেনেদৰে অতি কম সময়তে এই কাৰ্য সম্পাদন কৰিছে তাৰ এটি ৫ মিনিটৰ ভিডিঅ’ প্ৰকাশ কৰিছে ইউটিউবত। ‘প্ৰিফেব্ৰিকেটেড কনষ্ট্ৰাকচন চিষ্টেম’ৰ জৰিয়তে কম সময়ত নিৰ্মাণ কৰা হৈছে এই অট্টালিকাটো। CNNৰ ৰিপোৰ্ট অনুসৰি, ১০ মহলাৰ এই অট্টালিকাটো সাজিবলৈ তিনিখন ক্ৰেনৰ ব্যৱহাৰ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
