ডিজিটেল ডেস্কঃ দুৱাৰদলিত এটা নতুন বছৰ। সকলোৱে আশা কৰে নতুন বছৰটো ভাল হওক, আধৰুৱা বহু সপোনে এই নতুন বছৰটোতে পূৰ্ণতা লাভ কৰক। আশাৰ মাজতে ওলমি ৰোৱা সময়বোৰক পূৰ্বতকৈ ভাল কৰাৰ বাবে সকলোৱে অপ্ৰাণ চেষ্টা কৰে। সময়বোৰ কেনেকৈ ঠিক কৰিব পাৰি, কেনেকৈ ভাল কৰিব পাৰি তাৰ সূত্ৰ কোনেও নাজানে। কিন্তু কিছুমান কথা আমি যদি জীৱনৰ প্ৰতিটো খোজ বা কামৰ সময়ত মনত ৰাখো, তেন্তে বহু জটিল পৰিস্থিতিও সহজ হৈ পৰে। নতুন বছৰটোত আপুনি যিকোনো পৰিস্থিতিত তলৰ ১৫টা কথা মনত ৰাখিবলৈ চেষ্টা কৰক-
- পাপ শৰীৰৰ পৰা নহয় মনৰ পৰা সৃষ্টি হয়, যিমানেই গঙ্গা স্নান নকৰা কিয় গঙ্গাৰ পানীয়ে শৰীৰহে পৰিষ্কাৰ কৰে মানসিকতা নহয়।
- শৰীৰ আৰু সম্পত্তিক লৈ কেতিয়াও অহংকাৰ নকৰিব, অসুস্থতা আৰু দৰিদ্রতা কেতিয়াও কাকো কৈ নাহে।
- আটাইতকৈ মুল্যবান সম্পদ হৈছে জ্ঞান, আটাইতকৈ শক্তিশালী অস্ত্র হৈছে ধৈৰ্য্য, আটাইতকৈ ভাল ঔষধ হৈছে হাঁহি, আটাইতকৈ শ্রেষ্ঠ নিৰাপত্তা হৈছে বিশ্বাস।
- শিয়ালৰ দৰে এশবছৰ জীয়াই থকাতকৈ সিংহৰ দৰে এদিন জীয়াই থকাই ভাল।
- যিটো কর্ম এতিয়া কৰিব, সেইটোৰ ওপৰতহে আপােনাৰ ভৱিষ্যত নিৰ্ভৰ কৰিব।
- শক্তিশালী হােৱা কিন্তু অহংকাৰী নহবা, দয়ালু হােৱা কিন্তু দুর্বল নহবা – কাৰণ অহংকাৰ আৰু দুর্বলতাই হ’ল ধংসৰ মূল কাৰণ।
- মহিলাৰ বয়স আৰু পুৰুষৰ উপাৰ্জনৰ বিষয়ে কেতিয়াও সুধিব নালাগে, মহিলাই সদায় আনৰ বাবে জীয়াই আনহাতে পুৰুষে কেতিয়াও নিজৰ বাবে উপার্জন নকৰে।
- কাকো সৰু বুলি নাহাহিব, কাৰণ ভৰিৰ তলৰ দুৱৰী বন হে পূজাত লাগে মুৰৰ ওপৰৰ বৰগছ নহয়।
- অতিৰিক্ত অহংকাৰ পতনৰ লক্ষণ আৰু অতিৰিক্ত সৰলতা ঠগ খােৱাৰ লক্ষণ।
- সূৰ্যৰ তাপ আৰু পিতৃৰ ক্রোধ, দুয়ােটাই সহ্য কৰিব শিকক কাৰণ সূর্য ডুবিলে পৃথিৱী অন্ধকাৰ আৰু পিতৃ নহলে জীৱন অন্ধকাৰ হৈ যায়।
- মাটিত পৰা চেনী পিপৰাই হে উঠাব পাৰে হাতীয়ে নােৱাৰে, সৰু বুলি কাকো উপলুঙা নকৰিব, কেতিয়াবা সৰু মানুহেই বহুত ডাঙৰ কাম কৰিব পাৰে।
- অন্যায়ৰ বিৰুদ্ধে মাত মাতিবলৈ ভয় নকৰিবা, মনত ৰাখিবা ইতিহাসত অকল বিপ্লৱীবােৰৰ নাম হে লিখা থাকে ভৰি চেলেকাবােৰৰ নহয়।
- কৃপণ কেতিয়াও ধন সম্পত্তিৰ মালিক হ’ব নােৱাৰে ধন সম্পত্তিয়েই কৃপণৰ মালিক হয়।
- জীৱনত ডাঙৰ কিবা পালে সৰু বােৰক পাহৰি নাযাব, এটা সৰু বেজীয়ে যি কৰিব পাৰে এখন তৰােৱালে সেইটো কাম কৰিব নােৱাৰে।
- ঠাণ্ডাৰ দিনত যি ৰ’দক মানুহে ভাল পাই , গৰম দিনত সেই ৰ’দকে মানুহে তিৰস্কাৰ কৰে মানুহে তােমাক মূল্য সিমানদিনেই দিব, যিমানদিন মানুহক তােমাৰ প্রয়ােজন হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
