অসম লাইভ২৪ঃ অসমবাসীয়ে বিচাৰিছে এই খবৰ পূৰ্বৰ দৰে মিছা হওক। নিপন গোস্বামীয়ে কৈ উঠক মই সুস্থ কোনে চলাইছে এই অপপ্ৰচাৰ। গুণমুগ্ধই সামাজিক মাধ্যমত কৈছে এই খবৰ একেবাৰেই মিছা হওক। মিছা হওক বুলি ভাৱিলেও নিপন গোস্বামী আৰু নাই। নহাৰ বাটেৰে গুচি যোৱা নিপন গোস্বামীক হাস্পতালৰ পৰা লৈ যোৱা হৈছে বাসগৃহলৈ। কাইলৈ ১১ বজাত নৱগ্ৰহ শ্মশানত ৰাজ্যিক মৰ্যাদাৰ হ’ব অভিনেতাগৰাকীৰ শেষকৃত্য।
ইপিনে প্ৰিয় অভিনেতাগৰাকীৰ মৃত্যুৰ খবৰ বিয়পি পৰা মাত্ৰকেই গুণমুগ্ধসকলে প্ৰিয় অভিনেতাগৰাকীক এবাৰ চাবৰ বাবেই ঢাপলি মেলিছে। সেয়ে সকলোৱে শেষ শ্ৰদ্ধা জনাব পৰাৰো ব্যৱস্থা কৰিছে পৰিয়ালৰ লগতে অসম চলচ্চিত্ৰ উন্নয়ন নিগমৰ লগতে অসম চৰকাৰে। ২.৩০ বজাত অভিনেতাগৰাকীৰ নশ্বৰ দেহ লৈ যোৱা হ’ব জ্যোতি চিত্ৰবনলৈ।
জ্যোতি চিত্ৰবনতেই অভিনেতাজনক শেষ শ্ৰদ্ধা জ্ঞাপন কৰিব গুণমুদ্ধই। কাইলৈ পুৱা ৯ বজাত নশ্বৰ দেহ লৈ যোৱা হ’ব কলাক্ষেত্ৰলৈ। তাতেই ৰাজহুৱা শ্ৰদ্ধা জনাব পাৰিব সকলো গুণমুগ্ধই। ইয়াৰ পাছতেই দীঘলীপুখুৰীৰ পাৰলৈ নিয়া হ’ব নশ্বৰ দেহ। তাৰপাছতেই অন্তেষ্টিক্ৰিয়াৰ বাবে লৈ যোৱা হ’ব নবগ্ৰহলৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
