প্ৰভিডেণ্ট ফাণ্ডৰ পৰা ক্ৰিপ্টো মুদ্ৰাৰ কৰ ৰেহাইলৈ! আসন্ন বাজেটত দেশবাসীক কি কি উপহাৰ দিব কেন্দ্ৰীয় বিত্তমন্ত্ৰী নিৰ্মলা সীতাৰমণে?

আসন্ন বাজেট সম্পৰ্কত অনলাইনৰ মাধ্যমেৰে জনসাধাৰণৰ পৰা মতামত বিচাৰিছিল নিৰ্মলা সীতাৰমনে৷ সূত্ৰৰ খবৰ অনুসৰি ইতিমধ্যেই কেইবালাখো অনুৰোধ তেওঁ লাভ কৰিছে৷ ইয়াৰে এটা বৃহৎ অংশই প্ৰভিডেণ্ট ফাণ্ড সংক্ৰান্তিয় অনুৰোধ ৰাখিছে৷ কাৰণ পি এফ সম্পূৰ্ণৰূপে কৰমুক্ত নহয়৷ এইবাৰৰ বাজেটত সেই নিয়মৰ সলনি কৰি প্ৰভিডেণ্ট ফাণ্ডৰ সুদত আয়কৰৰ মাত্ৰা শূন্য কৰি দিবলৈ অনুৰোধ কৰিছে বহুসংখ্যক জনতাই৷

বৰ্তমান কোনো ব্যক্তিৰ পি এফ একাউণ্টত বছৰি আঢ়ৈ লাখ টকা জমা তৰিলে তাৰ পৰা প্ৰাপ্ত সুদৰ ওপৰত কোনো ধৰণৰ আয়কৰ নলয় চৰকাৰে৷ কিন্তু ধনৰ অংক তাতকৈ বেছি হ’লে তাৰ পৰা প্ৰাপ্ত সুদত দিব লগা হয় কৰ৷ এইবাৰৰ বাজেটত এই নিয়মৰেই সালসলনি বিচাৰিছে জনতাই৷ ইয়াৰ ফলত ভৱিষ্যৎ সঞ্চয় কিছু বাঢ়িব৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ