বহুতৰেই ধাৰণা যে শৰীৰত কোনো ভিটামিন বা খনিজৰ অভাৱে দেখা দিলে হাড় দুৰ্বল হোৱা বা চুলিসৰাৰ দৰে লক্ষণ ফুটি উঠে৷ কিন্তু এই ধাৰণা সম্পূৰ্ণৰূপে সঠিক নহয়৷ দিল্লীৰ এইমছৰ প্ৰশিক্ষণপ্ৰাপ্ত গেষ্ট্ৰোএণ্টোৰলজিষ্টে জনোৱা অনুসৰি শৰীৰে পূৰ্বৰে পৰাই কিছু মৃদু সংকেত দি থাকে, যি বেছিভাগ মানুহে উপেক্ষা কৰে৷ এই প্ৰাথমিক লক্ষণসমূহ চিনিব পাৰিলেই গুৰুতৰ সমস্যা দূৰ কৰা সম্ভৱ৷ তেনে পাঁচটা গুৰুত্বপূৰ্ণ পুষ্টি উপাদানৰ অভাৱৰ প্ৰাথমিক ইংগিতৰ বিষয়ে জানি থওক৷
১. ভিটামিন ডিঃ বেছিভাগ মানুহৰেই ধাৰণা, ভিটামিন ডিৰ অভাৱৰ প্ৰথম লক্ষণ হৈছে দুৰ্বল হাড়৷ এই ভিটামিনৰ ঘাটিৰ প্ৰথম সতৰ্কতা হ’ব পাৰে কোনো সুস্পষ্ট কাৰণ অবিহনেই মন বেয়া বা হতাশা অনুভৱ কৰা৷ ভিটামিন ডিয়ে মস্তিষ্কৰ কাৰ্যকাৰিতা আৰু মেজাজ নিয়ন্ত্ৰণৰ সৈতে যুক্ত৷
২. মেগনেছিয়ামঃ পেশী টানি টানি ধৰা মেগনেছিয়ামৰ ঘাটিৰ প্ৰথম লক্ষণ৷ কিন্তু এইক্ষেত্ৰত প্ৰথম সতৰ্কতা হৈছে নিশা ভালকৈ টোপনি নহা আৰু কাৰণ অবিহনে অতিৰিক্ত উদ্বেগ বা উৎকণ্ঠা৷ মেগনেছিয়ামে স্নায়ুতন্ত্ৰক শান্ত ৰখাত সহায় কৰে আৰু মেগনেছিয়ামৰ অভাৱে টোপনিৰ চক্ৰ ব্যাহত হয়৷
৩. কেলছিয়ামঃ বহুতে ভাৱে কেলছিয়ামৰ অভাৱৰ প্ৰথম সংকেত হৈছে হাড় দুৰ্বল হৈ যোৱা বা বিষ৷ কিন্তু এই খনিজৰ প্ৰথম সতৰ্কতা হাত ভৰিৰ আঙুলি বা ওঁঠত ঝিনঝিননি৷ কেলছিয়ামে স্নায়ু সংকেত পৰিবহনত গুৰুত্বপূৰ্ণ ভূমিকা পালন কৰে৷ ইয়াৰ অভাৱ হ’লে স্নায়ুসমূহ অতি সংবদেনশীল হৈ পৰে৷
৪. জিংকঃ জিংকৰ অভাৱৰ প্ৰথম লক্ষণ হৈছে ভোক কমি যোৱা আৰু দুৰ্বল ৰোগ প্ৰতিৰোধ ক্ষমতা৷ কিন্তু স্বাদ বা গোন্ধৰ অনুভূতি কমি যোৱাটো জিংকৰ ঘাটিৰ প্ৰথম ইংগিত হব পাৰে৷ প্ৰকৃততে জিংকৰ অভাৱৰ সৈতে স্বাদ আৰু ঘ্ৰাণতন্ত্ৰৰ কাৰ্যকাৰিতাও জড়িত হৈ আছে৷
৫. আয়ৰণঃ আয়ৰণৰ অভাৱৰ প্ৰথম লক্ষণ হৈছে চুলি সৰা বা চকুৰ তলত কলা দাগ৷ এই লক্ষণ প্ৰায় প্ৰতিগৰাকী লোকৰ শৰীৰতেই দেখা যায়৷ ইফালে নিশা টোপনি ভাল হলেও অবিৰাম ক্লান্তি অনুভৱ কৰাটো আয়ৰণৰ ঘাটিৰ প্ৰথম সংকেত হব পাৰে৷ আয়ৰণে শৰীৰৰ প্ৰতিটো কোষলৈ অক্সিজেন বহন কৰাত সহায় কৰে৷ ইয়াৰ ঘাটিত ক্লান্তি সকলোতকৈ আগেয়ে আহে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
