দেওবাৰে ওড়িশা আৰক্ষীয়ে দেখুৱাইছে সফলতা। চলিত বৰ্ষৰ জানুৱাৰীৰ পৰা জুন মাহৰ ভিতৰত অনুষ্ঠিত এক বিশেষ অভিযানৰ সময়ত ১৭,৫৯০ গৰাকী নিৰুদ্দেশ হোৱা মহিলা আৰু শিশুৰ সন্ধান উলিয়াই। পিছত পৰিয়ালৰ সৈতে লগ কৰাই দিয়ে বুলি এক আনুষ্ঠানিক বিবৃতিত প্ৰকাশ পাইছে।
বিবৃতি অনুসৰি নিৰুদ্দেশ হোৱা লোকসকলৰ ১২,১৭৭ গৰাকী মহিলা আৰু ৫,৪১৩ গৰাকী শিশু। এই সময়ছোৱাত সৰ্বাধিক মহিলা লাভ কৰিছে। ইয়াৰে পুৰী জিলাৰ ৩৭১৩ গৰাকী, তাৰ পিছতে জাজপুৰ জিলাৰ ৮২০ গৰাকী আৰু গঞ্জাম জিলাৰ ৫৮১ গৰাকী।
সন্ধান লাভ কৰা শিশুৰ তালিকাতো শীৰ্ষস্থান দখল কৰিছে পুৰীয়ে, ১১৬১টা শিশু উদ্ধাৰ কৰা হৈছে। তাৰ পিছতে ভুৱনেশ্বৰ নগৰ আৰক্ষী জিলাই ৩৯৯টা শিশু আৰু ময়ুৰভঞ্জ জিলাত ২৭৮টা শিশু উদ্ধাৰ কৰিছে।
জানুৱাৰীৰ পৰা জুন মাহৰ ভিতৰত ৰাজ্যৰ বিভিন্ন থানা এলেকাৰ পৰা ১০,৬০৫ গৰাকী মহিলা আৰু ৪,৮৭৩ গৰাকী শিশু নিৰুদ্দেশ হোৱা বুলি জানিব পৰা গৈছে। নিৰুদ্দেশ হোৱা শিশুসকলৰ ভিতৰত আছে ৪৩৩৪ গৰাকী ছোৱালী, ৫৩৮ গৰাকী ল’ৰা আৰু এজন তৃতীয় লিংগৰ।
আৰক্ষীৰ এগৰাকী বিষয়াই কয় যে, “এই সময়ছোৱাত পূৰ্বে নিৰুদ্দেশ হোৱাৰ খবৰ পোৱা কেইবাগৰাকীও মহিলা আৰু শিশুকো উদ্ধাৰ কৰা হৈছে। যাৰ নিৰুদ্দেশ হোৱাৰ খবৰ পূৰ্বে লাভ কৰা হৈছিল, তাৰে কিছুমান মহিলা আৰু শিশুকো উদ্ধাৰ কৰা হৈছে।”
তেওঁ কয় যে ওড়িশা আৰক্ষীয়ে মহিলা আৰু শিশুৰ সুৰক্ষাক সৰ্বোচ্চ অগ্ৰাধিকাৰ দিছে। গতিকে আগন্তুক দিনত এই বিশেষ অভিযান আৰু অধিক তীব্ৰতৰ কৰা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
