প্ৰেমতকৈ পৰিয়াল ডাঙৰ নহয়, যুৱতীয়ে হ/ত্যা কৰিলে নিজৰেই ১৩ আত্মীয়ক, তাৰপিছত

আৰক্ষী সূত্ৰই প্ৰকাশ কৰা অনুসৰি, ১৯ আগষ্টত পাকিস্তানৰ সিন্ধ প্ৰদেশৰ খৈৰপুৰৰ সমীপৰ হাইবাট খান ব্ৰহী গাঁৱত সংঘটিত হৈছিল এই ঘটনা। যুৱতীগৰাকীৰ পৰিয়ালে যুৱতীৰ প্ৰেমিকক পছন্দ নকৰাৰ কথা যুৱতীক জনাই দিছিল৷ কোনো কাৰণতে এনে প্ৰেমিকৰ সৈতে তাইক বিয়া নিদিয়ে সেই কথাও জনাইছিল৷ এই কথাই ছোৱালীজনীক ইমানেই অসন্তুষ্ট কৰি তুলিলে যে তাই মাক-দেউতাককে ধৰি পৰিয়ালৰ সকলোকে হত্যা কৰি পেলায়৷

আঁটাত মিহলাই দিছিল বিষ

ছোৱালীজনীয়ে ৰুটি বনাবলৈ ব্যৱহাৰ কৰা আঁটাত বিষ মিহলাই পৰিয়ালৰ লোকক দিলে। খাইৰপুৰৰ জ্যেষ্ঠ আৰক্ষী বিষয়া ইনায়ত শ্বাহে জনোৱা মতে, ১৩ জন সদস্যই খাদ্য খোৱাৰ পিছতেই অসুস্থ হৈ পৰে। তেওঁলোকক চিকিৎসালয়লৈ লৈ যোৱা হয় যদিও তাতেই আটাইকেইগৰাকীৰ মৃত্যু হয়। মৰণোত্তৰ পৰীক্ষাত বিষযুক্ত খাদ্য খোৱাৰ ফলতেই আটাইকেইজনৰ মৃত্যু হোৱাৰ তথ্য প্ৰকাশ পাইছে৷

যুৱতীয়ে স্বীকাৰ কৰিছে নিজা অপৰাধ