অসম লাইভ২৪ঃ শনিবাৰে নিউজিলেণ্ডৰ বিৰুদ্ধে দুৰ্দান্ত শতৰান কৰিছে পাকিস্তানৰ ফখৰ জামানে। তেওঁৰ শতৰানৰ বাবেই ডাকৱাৰ্থ লুইছ নিয়ম জয় কৰি ছেমিফাইনেললৈ প্ৰৱেশৰ সুযোগ লাভ কৰিছে পাকিস্তানে। সেই জয়ৰ পাছতেই ফখৰেৰ উদ্দেশ্যে ১০ লাখ টকাৰ পুৰস্কাৰমূল্যৰ কথা ঘোষণা কৰিলে পাকিস্তানৰ ক্ৰিকেট বোৰ্ডৰ চেয়াৰমেন জাকা আছৰফে। এই সময়ত তেওঁ এই পুৰস্কাৰ জয় কৰিছে য’ত বিগত তিনিমাহ ধৰি কোনোধৰণৰ বেতনেই লাভ কৰা নাই বাবৰ আজম বাহিনীয়ে। নিউজিলেণ্ডৰ বিৰুদ্ধে বাংগালুৰুত ৪০২ ৰান টাৰ্গেট দি ৮১ বলত অপৰাজিত ১২৬ ৰানৰ ইনিংছ খেলিছে ফখৰ জামানে।
বৰষুণে বাধা দিয়া এই মেচত জয়ী হোৱাৰ পূৰ্ণ সম্ভাৱনাই আছিল পাকিস্তানৰ। তাৰপিছতেই এক্স হেণ্ডেলত পাক বৰ্ডৰ তৰফৰ পৰা এটা বিশেষ পোষ্ট দিয়া হৈছে। সেই পোষ্টতেই ফখৰক ১০ লাখ টকাৰ আৰ্থিক পুৰষ্কাৰ দিয়াৰ কথা ঘোষণা কৰা হৈছে। পাক বোৰ্ডে জনোৱা অনুসৰি, মেচৰ পাছতেই তেওঁলোকে ফখৰৰ সৈতে বাৰ্তালাপত মিলিত হৈছিল। বৰ্ডে ফখৰৰ খেলক প্ৰশংসা কৰিছে। ইয়াৰোপৰি ১০ লাখ টকাৰ আৰ্থিক পুৰস্কাৰো ফখৰক দিয়া হ’ব বুলি জনাই পাক বৰ্ডে। পাক বৰ্ডৰ আশা, আগন্তুক খেলত ফখৰ দলটোৰ উল্লেখযোগ্য খেলুৱৈ। মেচসমূহত পাকিস্তানৰ অন্যান্য ক্ৰিকেটসকলে ভাল খেলিলে তেওঁলোককো এই পুৰস্কাৰেই দিয়া হ’ব বুলি জনাইছে পাক বৰ্ডে। পাক বৰ্ডৰ এই সিদ্ধান্তক ব্যতিক্ৰমী সিদ্ধান্ত বুলিও জনাইছে বহু ক্ৰিকেটপ্ৰেমীয়ে। দলৰ ক্ৰিকেটাৰ সকলক বিগত তিনিমাহে দৰমহা নিদিয়াৰ পাছত মাজতে এজন ক্ৰিকেটাৰক এইদৰে পুৰস্কাৰ দিয়াটো কিমান যুক্তিসংগত সেই বিচাৰ ৰাইজৰ হাতত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
