পাৰবিন বাবীক চাবলৈ আহি ভাৰতীয় চিনেমাৰ অভিনেতা হৈ ৰৈ যায় অষ্ট্ৰেলিয়াৰ ইঞ্জিনিয়াৰ
এগৰাকী ভাৰতীয় অভিনেত্ৰীক দেখি মোহিত হৈ পৰা এগৰাকী অষ্ট্ৰেলিয়াৰ লোক। মেগাজিন এখনৰ কভাৰ পেজত দেখা পাইছিল পাৰবিন বাবীক। কিবা যেন যাদু হে কৰি পেলালে সেই ফটোখনে। এবাৰ পাৰবীনক লগ কৰাৰ প্ৰৱল ইচ্ছা।
যি ইচ্ছাৰ বাবে পাছলৈ আৰু উভতি নাযায় অষ্ট্ৰেলিয়ালৈ। ভাৰততেই নিগাজিকৈ থাকি যায় সেই অষ্ট্ৰেলিয়ান নাগৰিক। যি পাছলৈ বহুকেইখন বলীউডৰ চিনামত কাম কৰি সফলতা অৰ্জন কৰিছে।
সেই অষ্ট্ৰেলিয়ানগৰাকী হৈছে ব’ব ক্ৰিস্টো। ব’বে বহু কেইখন ছবিত খলনায়কৰ চৰিত্ৰত কাম কৰি সফলতা লাভ কৰিছে। ‘মৰ্দ’, ‘কালিয়া’, ‘মিষ্টাৰ ইণ্ডিয়া’ আদিৰ দৰে জনপ্ৰিয় ছবিত হিৰোৰ সৈতে যুঁজ দিয়া দেখা গৈছে ব’বক। যি ব’বে পাৰবিনৰ বাবেই আকোঁৱালি লৈছিল ভাৰতীয় চিনেমা জগত।
অষ্ট্ৰেলিয়াত ইঞ্জিনিয়াৰ হিচাপে কাম কৰা ব’বে কোনো কামৰ বাবে ভাৰতলৈ আহিছিল। সেইবাৰেই কোনো ঠাইত দেখা পাই এখন মেগাজিন। যি মেগাজিনত আছিল পাৰবিনৰ এক সুন্দৰ ছবি। কেনেকৈ ইমান ধুনিয়া হ’ব পাৰে এগৰাকী নাৰী। এবাৰ মাত্ৰ সমুখৰ পৰা চোৱাৰ হেঁপাহ।
সেই উদ্দেশ্যেই উপস্থিত হয় চিনেমা নগৰী মুম্বাই। এগৰাকী চিনেমাৰ সৈতে জড়িত হৈ থকা লোকৰ সৈতে চিনাকি হয়, যিয়েই পাছলৈ পাৰবিনক দেখা কৰাৰ বাবে সহায় কৰি দিয়ে।
কিন্তু ই কি ফটোত দেখাৰ দৰে নহয় পাৰবিন, তেতিয়াই পাৰবিনে কয় তাই কেৱল অভিনয়ৰ সময়তহে মেকআপ লয়। সেই কেইটা কথাই অধিক আকৰ্ষিত কৰে ব’ব ক্ৰিস্টোক।
অষ্ট্ৰেলিয়াত পূৰ্বে নাটক কৰাৰ অভিজ্ঞতা থকা ব’বে এবাৰ মাত্ৰ কাৰোবাৰ অনুৰোধত বলীউডৰ চবিত কাম কৰে। সেয়াই আৰম্ভণি, তাৰ পাছত আৰু কোনোদিনে পিছ ঘুৰি চাব লগা নহয়।
ভাৰততে বিয়া বাৰু কৰাই সংসাৰ কৰি থাকি যায় ব’ব। ঘৰো বনাই পাৰবিনৰ ঘৰৰ কাষতেই, মৃত্যু পৰ্যন্ত ভাৰতেই ঠিকনা হৈ ৰয় ব’বৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ