কাইলৈ আৰু পৰহীলৈ শনিবাৰ আৰু দেওবাৰে বন্ধ নাথাকে পেট্ৰ’ল ডিপো। সাময়িকভাৱে ৪৮ ঘণ্টাৰ পেট্ৰ’ল পাম্প বন্ধ ৰখাৰ কাৰ্যসূচী বাতিল।
৩০ মাৰ্চৰ পুৱা ৫ বজৰ পৰা পৰা ১ এপ্ৰিল পুৱা ৫ বজালৈ ৪৮ ঘণ্টাৰ বাবে পেট্ৰ’ল ডিপো বন্ধ ৰখাৰ কথা ঘোষণা কৰিছিল নৰ্থ ইষ্ট পেট্ৰোলিয়াম ডিলাৰ এশ্বছিচেয়ন গুৱাহাটীয়ে।
‘কোনো ক্ৰয় নাই কোনো বিক্ৰী নাই’ (No Purchase No Sale) দাবীৰে বন্ধ ঘোষণা কৰিছিল। সেই বন্ধই আজি উঠাই লোৱা হয়।
IOCL, HPCL আৰু BPCL ৰ সৈতে হোৱা বৈঠকৰ অন্তত সাময়িকভাৱে বন্ধ প্ৰত্যাহাৰ সংগঠনটোৰ।
১৫ এপ্ৰিললৈকে সময়সীমা বান্ধি দিছে নৰ্থ ইষ্ট পেট্ৰোলিয়াম ডিলাৰ এশ্বছিচেয়ন গুৱাহাটীয়ে। ১৫ এপ্ৰিলৰ পাছত তেওঁলোকৰ দাবী নামানিলে পুনৰ পেট্ৰ’ল পাম্প বন্ধৰ হুংকাৰ এছচিয়েচনৰ।
নিৰ্বাচনী আচৰণ বিধিৰ বাবেই সাময়িকভাৱে ৪৮ ঘণ্টাৰ বন্ধ প্ৰত্যাহাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
