ৰেকৰ্ড কিং কোহলী, পুনৰ আন এক ৰেকৰ্ডৰ গৰাকী হ’ল বিৰাট কোহলী
আজি শুকুৰবাৰে কলকাতা নাইট ৰাইডাৰ্ছৰ বিৰুদ্ধে খেলা মেচত ডাঙৰ অভিলেখ গঢ়িবলৈ সক্ষম হৈছে আৰ চি বিৰ তাৰকা বেটছমেন বিৰাট কোহলীয়ে। আৰ চি বিৰ হৈ সৰ্বাধিক ছয় কৰা বেটছমেন হিচাপে পৰিগণিত হৈছে বিৰাট।
এই ক্ষেত্ৰত বিৰাটে, ক্ৰীছ গেইল (২৩৯) আৰু এ বি ডি ভিলিয়াৰ্ছ (২৩৮)ক পাৰ কৰে। কোহলীয়ে আজি তিনিটা ছয় কোবাই নিজৰ নামত ২৪১ সংখ্যক ছয় পঞ্জীয়ন কৰে। আজিৰৰ মেচখনত বিৰাট কোহলীক শক্তিশালী ফৰ্মত দেখা গৈছে।
আনহাতে আন এক ৰেকৰ্ডো কৰে কোহলীয়ে, আই পি এলত ৫২ সংখ্যক অৰ্ধশতক অৰ্জন কৰে খেলুৱৈগৰাকীয়ে।
সৰ্বাধিক ছয় কোবোৱাৰ ক্ষেত্ৰত পূৰ্বে এই অভিলেখ আছিল চিক্সাৰ কিং খ্যাত ক্ৰিছ গেইলৰ নামত গেইলে মাত্ৰ ৮৫ খন খেল খেলিয়ে ২৩৯ টা ছয় কোবাইছিল। ইয়াৰ বিপৰীতে কোহলীয়ে ২৪০ খন খেল খেলিহে ২৪০টা ছয় কোবাই। তৃতিয়ত থকা এ বি ডি ভিলিয়াৰ্ছে ১৫৬খন মেচত ২৩৮টা ছয় কৰিছে।
উল্লেখ্য যে, আই পি এলৰ ইতিহাসত ২০০ৰো অধিক ছয় কৰা খেলুৱৈৰ সংখ্যা মাত্ৰ ৬ গৰাকী। বৰ্তমানে এই তালিকাত আছে কোহলী- ২৪১ টা চিক্স, ক্ৰিছ গেইল- ২৩৯ টা চিক্স, ডি ভিলিয়াৰ্ছ- ২৩৮, পোলাৰ্ড- ২২৩, ৰোহিত শৰ্মা- ২১০ আৰু মহেন্দ্ৰ সিং ধোনী- ২০৯ টা চিক্স।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
