অসম লাইভ ২৪ঃ ভাৰতৰ শেহতীয়া আমেৰিকা ভ্ৰমণে চিন্তিত কৰি তুলিছে ভাৰতবিৰোধী ৰাষ্ট্ৰসমূহক৷ জ’ বাইডেন ৰাষ্ট্ৰপতিৰূপে নিৰ্বাচিত হোৱাৰ সময়ত ভাৰত আৰু আমেৰিকাৰ মাজৰ সম্পৰ্কত ফাঁট মেলিব বুলি ধাৰণা কৰা হৈছিল যদিও সেয়া সচা প্ৰমাণিত নহ’ল৷ জ’ বাইডেন আৰু নৰেন্দ্ৰ মোদীৰ শেহতীয়া দ্বি-পাক্ষিক বৈঠকৰ পাছত পুনৰ চিন্তিত হৈ পৰিছে চীন, পাকিস্তানৰ দৰে ৰাষ্ট্ৰসমূহ৷ বৈঠকত কূটনীতি আৰু সামৰিক এজেণ্ডা সন্দৰ্ভত মূলতঃ আলোচনাত মিলিত দুয়োখন দেশ৷ তিনিদিনীয়া ভ্ৰমণসূচীৰ অন্ত পেলাই দেওবাৰে স্বদেশত উপস্থিত হয় প্ৰধানমন্ত্ৰী মোদী৷ সম্পূৰ্ণ ৯০ ঘণ্টাৰ এই ভ্ৰমণ কাৰ্যসূচীত প্ৰধানমন্ত্ৰী মোদী ২০ খনকৈ গুৰুত্বপূৰ্ণ বৈঠকত মিলিত হয়৷ ভাৰতৰ এই আমেৰিকা ভ্ৰমণ সম্পূৰ্ণৰূপে এক কূটনৈতিক ভ্ৰমণ৷ আমেৰিকাৰ ৰাষ্ট্ৰপতি জ’ বাইডেন, উপ-ৰাষ্ট্ৰপতি কমলা হেৰিছ, আষ্ট্ৰেলিয়াৰ প্ৰধানমন্ত্ৰী স্কট মৰিছন আৰু প্ৰধানমন্ত্ৰী য়োসিহিডে চুগাৰ সৈতে পৃথক পৃথক বৈঠকত মিলিত হয় মোদী৷ ২৪ ছেপ্টেম্বৰত ৰাষ্ট্ৰপতি জ’ বাইডেনৰ সৈতে দ্বি-পাক্ষিক বৈঠকত মিলিত হয় মোদী৷ কূটনৈতিক বিষয় আৰু সামৰিক এজেণ্ডা সন্দৰ্ভত আলোচনা কৰে দুয়োখন দেশৰ মুৰব্বীয়ে৷ ভাৰতবিৰোধী ৰাষ্ট্ৰ পাকিস্তান আৰু চীন সন্দৰ্ভতো আলোচনা কৰে ৰাষ্ট্ৰপতিগৰাকীৰ সৈতে৷ ইয়াৰ উপৰি গুৰুত্বপূৰ্ণ কোৱাড সন্মিলতো অংশ লয় ভাৰতে৷ ভাৰতৰ এই ভ্ৰমণ তথা জ’ বাইডনৰে মোদীৰ বৈঠক এক মাইলৰ খুঁটিৰূপে বিবেচিত হ’ব ভাৰতৰ বাবে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
