জনতাৰ হৃদয় জিনিছে প্ৰধানমন্ত্ৰী নৰেন্দ্ৰ মোদীয়ে! সৰ্বাধিককাল প্ৰধানমন্ত্ৰী হোৱাৰ গঢ়িলে অভিলেখ

স্বাধীন ভাৰতৰ একেৰাহে দীৰ্ঘদিনীয়া প্ৰধানমন্ত্ৰীৰ অভিলেখ গঢ়িলে নৰেন্দ্ৰ মোদীয়ে। এই ক্ষেত্ৰত প্ৰধানমন্ত্ৰী মোদীয়ে জৱাহৰলাল নেহৰুকো চেৰ পেলাইছে। নৰেন্দ্ৰ মোদীয়ে ২০১৪ চনৰ ২৬ মে’ত প্ৰথমবাৰৰ বাবে, ২০১৯ চনৰ ৩০ মে’ত দ্বিতীয়বাৰৰ বাবে আৰু ২০২৪ চনৰ ৯ জুনত একেৰাহে তৃতীয়বাৰৰ বাবে প্ৰধানমন্ত্ৰী হিচাপে শপত গ্ৰহণ কৰিছিল।

১৯৫২ চনৰ ১৩ মে’ত পণ্ডিত জৱাহৰলাল নেহৰুৱে ভাৰতৰ প্ৰধানমন্ত্ৰী হিচাপে কাৰ্যনিৰ্বাহ কৰে। তেতিয়াৰ পৰা ১৯৬৪ চনৰ ২৭ মে’লৈকে একেৰাহে ৪৩৯৮ দিনৰ সময়সীমা নেহৰুৱে প্ৰধানমন্ত্ৰী হিচাপে কাৰ্যনিৰ্বাহ কৰিছিল। ২০১৪ চনৰ ২৬ মে’ত প্ৰথমবাৰৰ বাবে প্ৰধানমন্ত্ৰী হিচাপে শপত গ্ৰহণ কৰা নৰেন্দ্ৰ মোদীয়ে তেতিয়াৰ পৰা অবিৰতভাৱে প্ৰধানমন্ত্ৰী হিচাপে কাৰ্যনিৰ্বাহ কৰি আহিছে। দেশৰ নিৰ্বাচিত প্ৰধানমন্ত্ৰী হিচাপে সৰ্বাধিক দীৰ্ঘদিনীয়া কাৰ্যকালৰ ক্ষেত্ৰত জৱাহৰলাল নেহৰুক চেৰ পেলাইছে প্ৰধানমন্ত্ৰী মোদীয়ে।

একেৰাহে ভাৰতৰ প্ৰধানমন্ত্ৰী নিৰ্বাচিত

জৱাহৰলাল নেহৰু                                                                                     নৰেন্দ্ৰ মোদী

১৯৫২ চনৰ ১৩ মে’ৰ পৰা ১৯৬৪ চনৰ ২৭ মে’লৈকে                  ২০১৪ চনৰ ২৬ মে’ৰ পৰা ২০২৬ চনৰ ১০ জুনলৈকে
৪,৩৯৮ দিন                                                                                                      ৪,৩৯৯ দিন

ইতিমধ্যে ইন্দিৰা গান্ধী পিছ পৰিছে

এই ক্ষেত্ৰত প্ৰধানমন্ত্ৰী মোদীয়ে ইতিমধ্যে প্ৰাক্তন প্ৰধানমন্ত্ৰী ইন্দিৰা গান্ধীক চেৰ পেলাইছে। নৰেন্দ্ৰ মোদীয়ে ২০২৫ চনৰ ২৫ জুলাইত প্ৰধানমন্ত্ৰী হিচাপে একেৰাহে ৪,০৭৭ দিনৰ অভিলেখ ভংগ কৰে। ইফালে, মোডীৰ শাসনত দেশৰ অৰ্থনীতি ৩৫৭ লাখ কোটি টকা অতিক্ৰম কৰিলে। যোৱা ১২ বছৰত ১৬ টা এইমছ, ৭ টা আই আই টি, আৰু ৮ টা আই আই এম নিৰ্মাণ কৰা হৈছে, মুঠ ৩১ টা শিক্ষানুষ্ঠান। মোদীৰ শাসনত দেশৰ প্ৰতিৰক্ষা বাজেট ৭ লাখ ৮৫ হাজাৰ কোটি টকা হৈছেগৈ। থলুৱা অস্ত্ৰৰ উৎপাদনে ১৫৪,০০০ কোটি টকা অতিক্ৰম কৰিছে।

মোদীৰ শাসনত ভাৰত শক্তিশালী হৈ উঠিছে

প্ৰধানমন্ত্ৰীৰ দূৰদৰ্শী সিদ্ধান্তৰ বাবে ভাৰত কেৱল শক্তিশালী হোৱাই নহয়, স্বাৱলম্বীও হৈছে। বৰ্তমান ভাৰতে নিজৰ ৬০ শতাংশ অস্ত্ৰ নিজেই নিৰ্মাণ কৰে। এতিয়া ভাৰত আমদানিকাৰক নহয়, অস্ত্ৰ ৰপ্তানিকাৰক হৈ পৰিছে। ভাৰতক বিশ্বব্যাপী স্বীকৃতি দিয়াত মুখ্য ভূমিকা পালন কৰিছে প্ৰধানমন্ত্ৰী মোদীয়ে। জৱাহৰলাল নেহৰুৱে মাত্ৰ তিনিখন বিদেশী সংসদত ভাষণ দিছিল যদিও প্ৰধানমন্ত্ৰী মোদীয়ে এই পৰ্যন্ত ১৯খন দেশৰ সংসদত ভাষণ প্ৰদান কৰিছে। তদুপৰি মোদীয়ে ১০০ বাৰ ৮০খন দেশ ভ্ৰমণ কৰিছে। ৩২খন দেশে প্ৰধানমন্ত্ৰী মোডীক সন্মান জনাইছে। এই পৰিসংখ্যাই প্ৰমাণ কৰে যে প্ৰধানমন্ত্ৰী মোডীৰ নেতৃত্বত ভাৰতে এক নতুন আন্তঃৰাষ্ট্ৰীয় শক্তি হিচাপে আত্মপ্ৰকাশ কৰিছে।

মুখ্যমন্ত্ৰী হিচাপে মোদীৰ কাৰ্যকাল

• প্ৰথম – ৭ অক্টোবৰ, ২০০১ – ২২ ডিচেম্বৰ, ২০০২
• দ্বিতীয় – ২২ ডিচেম্বৰ, ২০০২ – ২২ ডিচেম্বৰ, ২০০৭
• তৃতীয় – ২৫ ডিচেম্বৰ, ২০০৭ – ২৬ ডিচেম্বৰ, ২০১২
• চতুৰ্থ – ২৬ ডিচেম্বৰ, ২০১২ – ২২ মে’, ২০১৪

চৰকাৰ চলোৱাৰ বেছিভাগ অভিজ্ঞতা

• মুখ্যমন্ত্ৰী হিচাপে – ১২ বছৰ, ৭ মাহ, ১৫ দিন
• পি এম হিচাপে – ১২ বছৰ, ১৯ দিন
• মুঠঃ ২৪ বছৰ, ৮ মাহ, ৪ দিন

এই প্ৰতিবেদখন যুগুতাইছে বৰষা মিশ্ৰই।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ