অসম লাইভ২৪ঃ টেলিভিছন পৰ্দাৰ জনপ্ৰিয় অভিনেত্ৰী বৈশালী থক্কৰৰ আত্মহত্যা। নিজ বাসভৱনতে আত্মহত্যা কৰিছে জনপ্ৰিয় অভিনেত্ৰীগৰাকীয়ে। মৃতদেহৰ কাষত এখন ছুইচাইড নোটো উদ্ধাৰ কৰিছে আৰক্ষীয়ে।
হিন্দী টেলিভিছনৰ পৰিচিত মুখ বৈশালী। ‘Sasural simar ka’ নামৰ জনপ্ৰিয় হিন্দী ধাৰাবাহিকখনত অভিনয় কৰা অভিনেত্ৰীগৰাকীয়ে বহুকেইখন হিন্দী ধাৰাবাহিকত অভিনয় কৰিছিল। দেওবাৰে নিজ বাসভৱনত চিপজৰী লোৱা অৱস্থাত উদ্ধাৰ হৈছে দেহ। ইন্দোৰৰ নিবাসী বৈশালীয়ে মৃতদেহ উদ্ধাৰৰ পিছতেই আৰক্ষীয়ে সমগ্ৰ ঘটনাক লৈ আৰম্ভ কৰিছে তদন্ত।
উল্লেখ্য যে, ২০১৫ চনত ‘Yeh Rishta Kya Kehlata Hai’ ধাৰাবাহিকেৰে অভিনয় জগতত ভৰি দিছিল বৈশালীয়ে। ‘Yeh Rishta Kya Kehlata Hai’-ত সঞ্জনা চৰিত্ৰৰে সকলোৰে পৰিচিত হৈ পৰা বৈশালীয়ে হিন্দীৰ বহুকেইখন ধাৰাবাহিকত অভিনয় কৰিছিল।
উল্লেখ্য যে চলিত বছৰৰে এপ্ৰিল মাহত বাগদানৰ কথাও সামাজিক মাধ্যমযোগে প্ৰকাশ কৰিছিল বৈশালীয়ে। কেনিয়াৰ দন্ত চিকিৎসক অভিনন্দন সিঙৰ হৈছে বাগদানৰ ফটো সামাজিক মাধ্যমত প্ৰকাশ কৰিছিল বৈশালীয়ে। কিন্তু কিছুদিন পূ্ৰ্বেই দুয়োৰে বিচ্ছেদ হোৱা বুলি একাংশই সামাজিক মাধ্যমতেই উল্লেখ কৰিছিল। ছুইচাইড নোটত অভিনেত্ৰীগৰাকীয়ে কি উল্লেখ কৰিছে বৰ্তমানো প্ৰকাশ কৰা নাই আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
