আইনেৰে চালে পৰকীয়া বহু দেশতেই অবৈধ নহয়৷ কিন্তু সম্পৰ্কৰ ক্ষেত্ৰত পৰকীয়া মানেই বিশ্বাসঘাতকতা৷ তেনে এক ঘটনাৰ সাক্ষী হৈ ৰল চাৰা মেকলিন নামৰ এগৰাকী বিবাহিতা৷ হঠাৎ ছাৰাই জানিব পাৰে যে তেওঁৰ স্বামীয়ে বহু মহিলাৰ সৈতে অবৈধ সম্পৰ্ক গঢ়ি আছে৷
ছাৰাই এই বিষয়ে সম্প্ৰতি সামাজিকমাধ্যমত জনাইছে নিজৰ অভিজ্ঞতাৰ কথা৷ ছাৰাৰ সেই জৱানবন্দী ভাইৰেল হৈছে নেটদুনীয়াত৷ ছাৰাই কৈছে, তেওঁ তেতিয়া ৩মহীয়া অন্তঃসত্ত্বা৷ হঠাৎ তেওঁৰ স্বামীয়ে কয় যে তেওঁ পিতৃ গৃহলৈ যাব৷ স্বামীয়ে এই অৱস্থাত তেওঁৰ যত্ন লোৱাৰ সলনি নিজেই পিতৃ গৃহলৈ যোৱাৰ বিষয়টোত তেওঁ আচৰিতো হয়৷ কিন্তু কিছুদিন পাছতেই ছাৰাই গম পায় যে তেওঁৰ স্বামী পিতৃগৃহলৈ যোৱা নাই৷ তাৰপৰিবৰ্তে তেওঁ এগৰাকী বান্ধবীৰ ঘৰত সময় কটাইছে৷ বিষয়টো মানি লবলৈ কষ্ট হয় ছাৰাৰ৷ সেয়ে স্বামীৰ কাণ্ডক লৈ তেওঁ নিজৰ ছচিয়েল মিডিয়া হেণ্ডেলৰ পৰা কৰিছে বিশেষ পোষ্ট৷
ছাৰাই জনাইছে যে তেওঁৰ স্বামীৰ এগৰাকী দুগৰাকী নহয় মুঠ ২০০ গৰাকী মহিলাৰ সৈতে সম্পৰ্ক আছে৷ স্বামীৰ পৰকীয়াৰ কথা গম পাই পত্নীয়ে তেওঁক প্ৰশ্ন কৰে৷ তেতিয়াই তেওঁ আটাইবোৰ সম্পৰ্কই সঁচা বুলি স্বীকাৰো কৰিছে৷ শেষ পৰ্যন্ত স্বামীৰ এই কাৰ্য সহ্য কৰিব নোৱাৰি ছাৰাই স্বামীগৃহ ত্যাগ কৰি বিচ্ছেদৰ বাবে আবেদন জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
