অসম লাইভ২৪ঃ ৩ বছৰৰ অন্তত ভাৰতলৈ উভটিছে দেশী গাৰ্ল প্ৰিয়ংকা চোপ্ৰা। প্ৰিয়ংকাই দেশৰ মাটিত ভৰি থোৱাৰ লগে লগেই সকলোতে এতিয়া প্ৰিয়ংকাৰেই চৰ্চা। প্ৰিয়ংকাই দেশত ভৰি থৈয়েই হাঁহি হাঁহি সংবাদ মাধ্যমক অভিবাদন জনোৱাৰ দৃশ্যইয়ো দৃষ্টি কাঢ়িছে বহুতৰেই। কিন্তু কন্যা মালতী আৰু স্বামী নিকক এৰি অকলেই কিয় আহিছে প্ৰিয়ংকা সেই কথাৰো চলিছে আলোচনা। অৱশ্যে যিয়েই নহওক কিয় প্ৰিয়ংকা এতিয়া গ্লৱেল আৰ্টিষ্ট। বলীউডৰ পৰা আন্তঃৰাষ্ট্ৰীয় প্ৰেক্ষাপটত জিলিকি উঠা প্ৰিয়ংকা চোপ্ৰাই কেনেকৈ হলীউড যাত্ৰা আৰম্ভ কৰিলে? প্ৰিয়ংকাৰ সফলতাৰ মূলমন্ত্ৰ কি কি এই বিষয়সমূহ জানিবলৈ বহুতেই আগ্ৰহ প্ৰকাশ কৰে।
প্ৰিয়ংকাৰ সফলতাৰ আঁৰত আছে এই বিশেষ ৫টা কাৰণ। প্ৰিয়ংকাৰ জীৱনৰ এই পাঁচটা দিশে বহুতকেই অনুপ্ৰেৰণা দিয়ে। প্ৰিয়ংকাই এতিয়া হলীউডত যথেষ্ট জনপ্ৰিয়তা অৰ্জন কৰিছে। সফলতা লাভ কৰিলেই প্ৰিয়ংকাই কাহানিও পাহৰা নাই ভাৰতীয় সংস্কৃতি। নিজকে কাহানিও উচ্চতাত বান্ধি ৰাখিব খোজা নাই প্ৰিয়ংকাই। সাহসো অন্য এক প্ৰধান কথা প্ৰিয়ংকাৰ। প্ৰিয়ংকাই প্ৰতি খোজেই দৃঢ়তাৰে দিছে। যদি প্ৰিয়ংকাই সাহস কৰি মিছ ইণ্ডিয়া প্ৰতিযোগিতাত অংশগ্ৰহণ নকৰিলে হেতেন তেন্তে প্ৰিয়ংকাৰ জীৱন আজি ইমান মসৃণ নহ’লহেতেন।
এখোজ আগুৱাবলৈ কেতিয়াবা দুখোজ পিছুৱাবও লাগে। এই নীতিক সদায়ে অনুসৰণ কৰে প্ৰিয়ংকাই। বলীউডৰ সাফল্য পায়েই সেয়ে ৰৈ যোৱা নাছিল প্ৰিয়ংকা। বলীউডৰ জনপ্ৰিয় নায়িকা হোৱাৰ পাছতো হলীউডৰ সৰু সৰু গানৰ ভিডিঅ’ত প্ৰিয়ংকাই অভিনয় কৰিছিল। কেৱল প্ৰফেচনেল জীৱনতেই নহয় ব্যক্তিগত জীৱনটো বহুসময়ত এখোজ উধাবৰ বাবেই দুখোজ পিছুৱাইছে প্ৰিয়ংকা।
কেৰিয়াৰৰ ভৰপক সময়তো জীৱনৰ অন্য এক জটিল সিদ্ধান্ত লৈছে প্ৰিয়ংকাই। সেয়া হৈছে মাতৃ হোৱাৰ পৰিকল্পনা। মাতৃত্ব মানেই কামৰ পৰা বিৰতি লোৱা নুবুজাই , কেৰিয়াৰৰ সৈতে কম্প্ৰমাইজ নহয় সেই বাৰ্তাও প্ৰেৰণ কৰিছে প্ৰিয়ংকাই। চেৰগেছিৰ জৰিয়তে মাতৃ হোৱা প্ৰিয়ংকাই সন্তানক মাতৃত্বৰ উমেৰে ডাঙৰ কৰাত কৃপনালী কৰা নাই বুলি প্ৰায়সমূহ ছবিয়েই প্ৰমান কৰে।
জীৱনৰ ভুলবোৰৰ পৰাই শিক্ষা ল’ব লাগে বুলি প্ৰিয়ংকাই বহু ইণ্টাৰভিউত নিজেই প্ৰকাশ কৰি আহিছে। সকলো মানুহৰেই জীৱনত ভুল হয়েই। প্ৰিয়ংকাইয়ো তেনে বহু ভুল কৰিছে আৰু সেই ভুলবোৰকেই শিক্ষা হিচাপে লৈ আগবাঢ়িছে প্ৰিয়ংকা। সম্পৰ্কতো ভুল সংগী বাছনি কৰাৰ পৰা ছবিও ভুল বাছনি কৰি কেৰিয়াৰত প্ৰভাৱো পৰিছে। কিন্তু একেটাই ভুল প্ৰিয়ংকাই কাহানিও দ্বিতীয়বাৰ কৰা নাই, যাৰ বাবে আজি উচ্চতাৰ শিখৰ চুমিবলৈ সক্ষম হৈছে প্ৰিয়ংকা চোপ্ৰাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
