ৱায়নাডৰ পৰা লোকসভাৰ উপনিৰ্বাচনত জয়লাভ কৰিব বৰ্তমান সাংসদ পদত আছে প্ৰিয়ংকা গান্ধী৷ ২০২৯ চন পৰ্যন্ত সংসদৰ সদস্য থাকিব প্ৰিয়ংকা৷ কিন্তু তাৰ পাছৰ বছৰ অৰ্থাৎ ২০৩০ চনত বৃহৎ পৰিবৰ্তন আহিব পাৰে প্ৰিয়ংকাৰ জীৱনত৷ ২০৩০চনত ৫৮ বছৰ বয়স হ’ব প্ৰিয়ংকা গান্ধীৰ৷ ৫৮ বছৰ বয়সৰ পৰা ৭৮ বছৰ বয়স পৰ্যন্ত অৰ্থাৎ ২০৫০ বছৰ পৰ্যন্ত তেওঁৰ ৰাজনৈতিক জীৱন অত্যন্ত শক্তিশালী হ’ব৷ দেশৰ কেইবাগৰাকীও বিখ্যাত জ্যোতিষীয়ে কৰিছে এই ভৱিষ্যদ্বাণী৷
জ্যোতিষী ইউন্নিকৃষ্ণ পনিকাৰে জনাইছে যে, ২০৩০ চনৰ পৰা প্ৰিয়ংকা গান্ধীৰ জন্মছকত শুক্ৰ মহাদশা গুৰুত্বপূৰ্ণ হৈ উঠিব৷ য’ত শুক্ৰ শক্তিশালীভাৱে অৱস্থান কৰিছে৷ পৰিকল্পনা অনুসৰি সকলো ঠিকেঠাকে চলিলে এই সময়ৰ ভিতৰতেই তেওঁ দেশৰ গুৰুত্বপূৰ্ণ পদত অধিষ্ঠিত হ’ব৷ জ্যোতিষীয়ে লগতে জনাইছে যে প্ৰিয়ংকা গান্ধীৰ প্ৰধানমন্ত্ৰী হোৱাৰ সম্ভাৱনা ২০৩০ ৰ পৰা ২০৫০ চনৰ ভিতৰত আছে৷ আৰু এগৰাকী জ্যোতিষী চিত্ৰভানু কে পনডুলে কয়, ‘প্ৰিয়ংকাৰ গ্ৰহৰ অৱস্থান মাৰ্চ ২০২৫ পৰ্যন্ত কিছু চেলেঞ্জাৰ ইংগিত দিছে৷
প্ৰিয়ংকাৰ জন্মপত্ৰ অনুসৰি তেওঁৰ উচ্চপদ পোৱাৰ সম্ভাৱনা ৰাহুল গান্ধীতকৈ বেছি৷ জ্যোতিষী পানডুলৰ বক্তব্য, ‘প্ৰিয়ংকা প্ৰধানমন্ত্ৰী নহ’ব৷ ২০৩১ৰ পৰা ২০৩৩ চনৰ ভিতৰত গুৰুত্বপূৰ্ণ পদ পালেও তেওঁ প্ৰধানমন্ত্ৰী হোৱাৰ সম্ভাৱনা নাই৷ মুম্বাইৰ এগৰাকী শীৰ্ষ জ্যোতিষী সুন্দীপ কোচাৰৰ দাবী যে প্ৰিয়ংকাৰ ব্যক্তিত্বৰ বৈশিষ্ঠ্যৰ সৈতে বহু মিল আছে ইন্দিৰা গান্ধীৰ৷ ৰাহুল গান্ধীৰ ইচ্ছাৰ পৰা প্ৰধানমন্ত্ৰী হ’ব পাৰে প্ৰিয়ংকা গান্ধী৷ তেওঁৰ ব্যক্তিত্বৰ মাজত উচ্চ পদ পোৱাৰ সম্ভাৱনা আছে৷ আমি তেওঁৰ সাফল্যৰ বাবে প্ৰাৰ্থনা কৰিছো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
