ৰাছিয়াৰ ৰাষ্ট্ৰপতি ভ্লাদিমিৰ পুটিনে যেতিয়া বিদেশ ভ্ৰমণলৈ যায়, তেতিয়া তেওঁৰ লগত থাকে বিশেষ দেহৰক্ষী৷ আৰু তেওঁলোকৰ কাম কি জানেনে? তেওঁলোকৰ কামৰ বিষয়ে জানি আপুনি হয়তো আচৰিত হ’ব!
প্ৰতিবেদন অনুসৰি এই বিশেষ দেহৰক্ষীসকলে পুটিনৰ মল-মূত্ৰ সংগ্ৰহ কৰি ছুটকেছত উভতাই মস্কোলৈ প্ৰেৰণ কৰে। ইয়াৰ লগতে ৰাষ্ট্ৰপতি পুটিনৰ স্বাস্থ্যৰ প্ৰতি লক্ষ্য ৰাখি তেওঁৰ প্ৰয়োজনীয়তা পূৰণ কৰাটোও এই দলটোৰ বিশেষ কৰ্তব্য।
ফ্ৰান্সৰ সাংবাদিক ৰেজিছ জান্টে ৰাছিয়াৰ ১৩ বছৰীয়া নীতিৰ বিষয়ে লিখি তেওঁ এই কথা প্ৰকাশ কৰিছে। তেওঁ লিখিছে যে ফেডাৰেল প্ৰটেক্টিভ চাৰ্ভিচৰ এজেণ্টসকলে পুটিনৰ মল-মূত্ৰ সংগ্ৰহ কৰি বিশেষ বেগত ভৰাই ৰাছিয়ালৈ উভতাই পঠিয়ায়।
লগতে পঢ়ক IPLৰ টিভি আৰু ডিজিটেল মিডিয়াৰ ৰাইট বিক্ৰী! কিমান হাজাৰ কোটিত হ’ল বিক্ৰী?
এই সংস্থাটোৱে পুটিনৰ স্বাস্থ্যক লৈ অতি সতৰ্কতা অৱলম্বন কৰি আহিছে। পুটিনৰ মল পৰীক্ষা কৰি নিশ্চিত কৰা হয় যে পুটিনৰ শৰীৰৰ কোনো ৰোগ বৃদ্ধি হৈছে নে একেই আছে! ইয়াৰোপৰি আন কোনো দেশে যাতে পুটিনৰ ৰোগৰ বিষয়ে জ্ঞাত নহয় সেই বিষয়েও দলটোৱে বিশেষভাৱে সষ্টম হৈ পুটিনৰ যতন ল’ব লাগে।
সাংবাদিকগৰাকীয়ে দাবী কৰে যে ২০১৯ চনত পুটিনে চৌদি আৰৱ ভ্ৰমণ কৰাৰ সময়ত তেওঁ এই বিষয়ে জানিব পাৰিছিল। তেওঁ লগতে প্ৰকাশ কৰিছে যে ফ্ৰান্সলৈ যোৱাৰ সময়তো পুটিনৰ দেহৰক্ষীসকলে তেওঁৰ লগত বাথৰুমলৈ গৈছিল।
লগতে পঢ়ক বিপদে লগ এৰা নাই বিতৰ্কিত নেত্ৰী নূপুৰ শৰ্মাক! পুনৰ কলকতা আৰক্ষীৰ চমন
ৰাছিয়াৰ ৰাষ্ট্ৰপতি ভ্লাদিমিৰ পুটিনৰ বিষয়ে বহু কথা গোপন কথা ৰহস্যজনকভাৱে চৰ্চা লাভ কৰি আহিছে। তেওঁৰ ব্যক্তিগত জীৱনৰ বহু কথাও জনসাধাৰণৰ বাবে ৰহস্যাবৃত্ত হৈয়ে আছে৷
ৰাছিয়াৰ সাংবাদিকে দাবী কৰিছে যে দীৰ্ঘদিন ধৰি ৰাষ্ট্ৰপতি পুটিনৰ মল-মূত্ৰ মস্কোলৈ অনাৰ নিয়ম আছে। সংবাদ মাধ্যমৰ খবৰ অনুসৰি বৰ্তমান কৰ্কট ৰোগৰ সৈতে যুঁজি ভ্লাদিমিৰ পুটিনে চিকিৎসাধীন হৈ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
