ভাৰতীয় ৰে’লত প্ৰতিদিনেই লাখ লাখ যাত্ৰীয়ে যাত্ৰা কৰে৷ দেশজুনি থকা বিস্তীৰ্ণ ৰে’লপথৰ ব্যৱস্থাৰ নজৰদাৰী কৰা কামটো মুঠেও সহজ কাম নহয়৷ যাৰ বাবে বহুসমত নিয়ম অমান্য কৰি যাত্ৰা কৰে বহুসংখ্যক যাত্ৰীয়ে৷ এইসকল আইন অমান্য কৰি ফুৰা যাত্ৰীৰ বাবেই নিয়মানুবৰ্তীতাৰে চলা যাত্ৰীও বিপদত পৰে৷ সম্প্ৰতি কেইবাবছৰ ধৰি এই সমস্যাৰ বিভিন্ন অভিযোগনামা যাত্ৰীয়ে দাখিল কৰি আহিছে৷ সামাজিক মাধ্যমতো এনে ভিডিঅ’, ছবি বহুতে শ্বেয়াৰো কৰি আহিছে৷ এই বিষয়টোৰ ওপৰত নজৰ দিয়েই ৰে’লমন্ত্ৰী অশ্বিনী বৈষ্ণৱে লৈছে কঠোৰ সিদ্ধান্ত৷ ৰিজাৰ্ভ কোচত অবাঞ্চিত ছাত্ৰী উঠিলেই ব্যৱস্থা ল’ব ৰে’লবিভাগে৷
কি কৈছে ৰে’লমন্ত্ৰী অশ্বিনী বৈষ্ণৱে?
এক ৰিপৰ্টত উল্লেখ কৰা হৈছে যে ১৩ জুনৰ পৰা ৰে’লৰ সমস্ত জ’নৰ জেনেৰেল মেনেজাৰৰ সৈতে বিশেষ ভিডিঅ’ কনফাৰেন্সৰ বৈঠক অনুষ্ঠিত কৰিছে ৰে’লমন্ত্ৰী অশ্বিনী বৈষ্ণৱে৷ এই বৈঠকত তেওঁ ৰে’লত অবাধে উঠা যাত্ৰীৰ অভিযোগৰ দিশত নজৰ দিবলৈ নিৰ্দেশ দিছে জেনেৰেল মেনেজাৰক৷ ৰিজাৰ্ভ কোচত অবাঞ্চিত যাত্ৰী যাতে উঠিব নোৱাৰে তাৰবাবে ব্যৱস্থা ল’বলৈ নিৰ্দেশ দিছে ৰে’লমন্ত্ৰী অশ্বিনী বৈষ্ণৱে৷
সংৰক্ষিত কোচত অবাঞ্চিত যাত্ৰী ধৰা পৰিলে তেওঁলোকক ট্ৰেইনৰ ভাড়াৰ ওপৰিও জৰিমনাও আদায় লৈ পৰবৰ্তী ষ্টেচনতেই নমাই দিবলৈ নিৰ্দেশ দিয়া হৈছে৷ ৰেলমন্ত্ৰীৰ নিৰ্দেশৰ পাছতেই দক্ষিণ ৰে’লৰ অবাঞ্চিত আৰু টিকটবিহীন যাত্ৰীক বিচাৰি আৰম্ভ কৰিছে অভিযান৷ জেনেৰেল বা ৱেইটিং লিষ্টৰ টিকট লৈ এতিয়াৰে পৰা কোনো যাতে সংৰক্ষিত কোচত নোসোমাই তাৰ বাবে মাইকেৰে ঘোষণা কৰি থকা হৈছে দেশৰ বিভিন্ন ষ্টেচনত ঘোষণা কৰি থকা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
