বৰষুণৰ বতৰ বহুতে ভাল পায় যদিও এই সময়ছোৱাত ছালৰ বিভিন্ন সংক্ৰমণৰ আশংকা যথেষ্ট বৃদ্ধি পায়। বেছি আৰ্দ্ৰতা, ঘাম, বতাহত থকা জীৱাণু আৰু দীৰ্ঘ সময় ধৰি তিতা কাপোৰ বা জোতা পিন্ধি থকাৰ ফলত বেক্টেৰিয়া, ফাংগাছ আৰু ভাইৰাছে সহজে বৃদ্ধি পাব পাৰে। সেয়েহে বৰষুণৰ দিনত ছালৰ যত্ন লোৱাটো অত্যন্ত জৰুৰী।
বৰষুণত হোৱা সাধাৰণ ছালৰ সংক্ৰমণ
১. ফাংগেল সংক্ৰমণ (Ringworm/Dad)
এইটো বৰষুণৰ সময়ত আটাইতকৈ সাধাৰণ সমস্যা। কঁকাল, বগল, ডিঙি, ভৰিৰ আঙুলিৰ মাজত খজুৱতি, ৰঙা দাগ আৰু জ্বলা অনুভৱ হ’ব পাৰে।
২. বেক্টেৰিয়েল সংক্ৰমণ
ছালত সৰু কাটি যোৱা বা ঘাঁ থাকিলে বেক্টেৰিয়াই সংক্ৰমণ ঘটাব পাৰে। ফলত ফুলি যোৱা, বিষ, পুঁজ বা জ্বৰ হ’ব পাৰে।
৪. ফ’লিকিউলাইটিছ (Folliculitis)
চুলিৰ গুৰিত সংক্ৰমণ হৈ সৰু সৰু গুটি, বিষ বা পুঁজ দেখা দিব পাৰে।
লক্ষণসমূহ
- অবিৰত খজুৱতি
- ৰঙা পৰা
- ছাল শুকান
- জ্বলা-পোৰা অনুভৱ
- দুৰ্গন্ধ বা ছাল ফুলি যোৱা
কেনেকৈ প্ৰতিৰোধ কৰিব?
- বৰষুণত ভিজিলে যিমান সোনকালে সম্ভৱ শৰীৰ ভালদৰে মচি শুকুৱাই লওক।
- পৰিষ্কাৰ আৰু শুকান কাপোৰ পিন্ধক।
- ভিজা জোতা বা মোজা বেছি সময় পিন্ধি নাথাকিব।
- ব্যক্তিগত টাৱেল, কাপোৰ বা চিৰুণী আনৰ সৈতে ভাগ নকৰিব।
- দৈনিক স্নান কৰি শৰীৰৰ ভাঁজ থকা অংশ ভালদৰে শুকুৱাই ৰাখিব।
- সুতি কাপোৰ পিন্ধিলে ঘাম কম জমা হয়।
- ভৰিৰ নখ পৰিষ্কাৰ আৰু চুটি কৰি ৰাখিব।
চিকিৎসা
সামান্য ফাংগেল সংক্ৰমণত চিকিৎসকৰ পৰামৰ্শমতে এণ্টিফাংগেল ক্ৰীম বা পাউডাৰ ব্যৱহাৰ কৰা হয়। বেক্টেৰিয়েল সংক্ৰমণত এণ্টিবায়টিক ঔষধৰ প্ৰয়োজন হ’ব পাৰে। নিজে নিজে ষ্টেৰয়েডযুক্ত ক্ৰীম ব্যৱহাৰ নকৰিব, কিয়নো ই বহু ক্ষেত্ৰত ফাংগেল সংক্ৰমণ অধিক বেয়া কৰিব পাৰে।
কেতিয়া চিকিৎসকৰ ওচৰলৈ যাব?
- সংক্ৰমণ দ্ৰুতগতিত বিয়পি গ’লে
- পুঁজ, তীব্ৰ বিষ বা জ্বৰ হ’লে
- ১–২ সপ্তাহ চিকিৎসাৰ পিছতো ভাল নহ’লে
- ডায়েবেটিছ বা ৰোগ-প্ৰতিৰোধ ক্ষমতা কম থকা ব্যক্তিৰ ক্ষেত্ৰত
বৰষুণৰ বতৰ উপভোগ কৰাৰ লগতে ছালৰ স্বাস্থ্যৰ প্ৰতিও সজাগ থাকিব লাগিব। দৈনন্দিন পৰিষ্কাৰ-পৰিচ্ছন্নতা, শৰীৰ শুকানকৈ ৰখা আৰু সময়মতে চিকিৎসা ল’লে অধিকাংশ ছালৰ সংক্ৰমণ সহজে প্ৰতিৰোধ আৰু নিয়ন্ত্ৰণ কৰিব পাৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
