কাইলৈ ৰক্ষাবন্ধন, তিনিটাকৈ অশুভ যোগ, ৰাখী বন্ধনৰ বাবে মাথো সামান্য সময়, জানিবলৈ পঢ়ক এই খবৰ-
কাইলৈ ১৯ আগষ্ট তাৰিখ সোমবাৰে এই বৰ্ষৰ ৰক্ষা বন্ধনৰ দিন পৰিছে। এই দিনটোতে ভনী সকলে ভাতৃৰ হাতত ৰাখী বান্ধে। ভাতৃ সকলেও ভনী সকলৰ সুৰক্ষাৰ বাবে কথা দিয়ে।
পাছে শাস্ত্ৰ অনুসৰি এইবাৰ ৰাখী বন্ধনৰ দিনটোত তিনিটাকৈ অশুভ যোগ পৰিছে। যাৰ ফলত ৰাখী বন্ধাৰ বাবে ভনী সকলে মাথো কিছু সময়হে হাতত পাব। বাকী অধিকাংশ সময়ে অশুভ সময়।
এইবৰ্ষৰ ৰক্ষা বন্ধনত ভদ্ৰা কাল পৰিছে। ভদ্ৰা কালত ভাতৃৰ হাতত ৰাখী বন্ধাতো অশুভ বুলি ধৰা হয়। এই সময়খিনি অতিকে অশুভ বুলি ধৰা হয়। এই ভদ্ৰা কাল আজি মাজ নিশা ২.২১ বজাৰ পৰা কালি ১৯ আগষ্টৰ দুপৰীয়া ১.৩০ বজালৈ থাকিব। যাৰ অৰ্থ পুৱাৰ ভাগত ৰাখী বন্ধিব নোৱাৰিব।
দ্বিতীয়টো অশুভ যোগ পঞ্চক যোগ। এইবাৰ ৰাখী বন্ধন পঞ্চক যোগত পৰিছে। ৰক্ষা বন্ধনত সবাতোকৈ অশুভ যোগেই হৈছে পঞ্চাক যোগ। ৰাখীবন্ধনৰ উপৰিও অন্য কোনো শুভ কাৰ্যৰ বাবে যদি চিন্তা চৰ্চা কৰিছে তেন্তে পৰিহাৰ কৰক।
এই পঞ্চাক যোগ ১৯ আগষ্টৰ সন্ধিয়া ৭ বজাৰ পৰা আৰম্ভ হৈ ২৩ আগষ্টৰ সন্ধিয়া ৭.৫৮ বজাত অন্ত পৰিব।
তৃতিয়টো অশুভ কাল ৰাহু কাল। এই ৰাহু কাল কাইলৈ ১৯ আগষ্ট তাৰিখে পুৱা ৭.৩১ বজাৰ পৰা আৰম্ভ হৈ পুৱা ৯.০৮ বজালৈ থাকিব। সেয়ে পুৱা আৰু সন্ধিয়া দুয়োটা কালেই বেয়া ৰাখীবন্ধনৰ বাবে।
হিন্দু শাস্ত্ৰ অনুসৰি কাইলৈ ৰাখী বন্ধনৰ শুভ মুহুৰ্ত হৈছে দুপৰীয়াৰ পৰা আবেলিলৈ। দুপৰীয়া ১.৪৫ বজাৰ পৰা বিয়লি ৪.১৯ বজাৰ ভিতৰত অতিকে শুভ লগ্ন বুলি ধৰা হৈছে। মাথো ২ ঘণ্টা ৩৩ মিনিট সময়ে কাইলৈ ৰক্ষা বন্ধনৰ বাবে শুভ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
