অসম লাইভ ২৪ঃ ১৯৬০ চন। অসমীয়া ভাষাক চৰকাৰী ভাষা হিচাপে প্ৰৱর্তন কৰাৰ দাবীত ব্ৰহ্মপুত্ৰ উপত্যাকাত জোৰদাৰ আন্দোলন। এই আন্দোলনত ভাগ লৈছিল অসমৰ ছাত্ৰ সমাজে। পিছ পৰি ৰোৱা নাছিল কটন কলেজো। আন্দোলনত অংশগ্ৰহণ কৰা একাংশ ছাত্ৰক নিয়ন্ত্ৰণ কৰিবলৈ পুলিচে কৰিছিল গুলীচালনা। ১৯৬০ চনৰ আজিৰ দিনটোতে সেই সময়ৰ কামৰূপ জিলাৰ পুলিচ অধীক্ষক pb pabbiয়ে কটন কলেজৰ কেম্পাচৰ ভিতৰত সোমাই নির্বিচাৰে গুলীচালনা কৰাৰ ফলত ছহিদ হৈছিল ৰঞ্জিত বৰপূজাৰী। ৰঞ্জিত বৰপূজাৰী অসমৰ ভাষা আন্দোলনৰ প্ৰথমজন ছহিদ। পৰৱর্তী সময়ত ৰঞ্জিত বৰপূজাৰীয়ে বাস কৰা কটন কলেজৰ হোষ্টেলটো তেওঁৰ নামেৰে নামাংকন কৰা হ’ল। তেওঁক হত্যা কৰা স্থানত নির্মাণ কৰিলে এটা শ্বহীদ বেদী। ১৯৪২ চনত শিৱসাগৰত জন্মলাভ কৰা ৰঞ্জিত বৰপূজাৰীক জন্মস্থানত সুঁৱৰিলে ছাত্ৰ সন্থাই। শিৱসাগৰত ছহিদগৰাকীৰ আবক্ষ মূর্তি নির্মাণ কৰিব আছুৱে। আনহাতে, শিৱসাগৰত জিলা সাহিত্য সভায়ো পৰিয়ালৰ সহযোগত নির্মাণ কৰিব আন এটা আবক্ষ মূর্তি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
