হাতত আছে সোণ- বিচাৰি আছে লোণ- RBIৰ গোল্ড লোণত কিমান লাভ বা লোকচান
ঘৰত ৰখা সোণ বিপদৰ সময়ত অতি উপযোগী। এই সোণৰ আধাৰত আপুনি বেংকৰ পৰাও ঋণ ল’ব পাৰে আৰু এতিয়া ভাৰতীয় ৰিজাৰ্ভ বেংকে এই সোণৰ বিপৰীতে সোণৰ ঋণ তথা গোল্ড লোণ নিয়ম সলনি কৰিবলৈ ওলাইছে। এই নতুন নিয়ম ২০২৬ চনৰ ১ এপ্ৰিলৰ পৰা কাৰ্যকৰী হোৱাৰ সম্ভাৱনা আছে।
শেহতীয়াকৈ আৰ বি আইৰ গবৰ্নৰ সঞ্জয় মালহোত্ৰাই মুদ্ৰানীতিৰ পৰ্যালোচনা দাঙি ধৰে, তেওঁ কয় যে গোল্ড লোণৰ বাবে এই নতুন নিৰ্দেশনাসমূহ আচলতে ইয়াৰ বিভিন্ন অৰ্ডাৰক একে ঠাইতে অনাৰ এক উপায়। একে সময়তে এইবোৰে বেংকৰ পৰা নন-বেংকিং ফাইনেন্স কোম্পানী (এন বি এফ চি)লৈ গোল্ড লোণৰ নিয়ম একে কৰি তোলাৰ কাম কৰিব।
RBI ৰ মতে গোল্ড লোণৰ সৈতে জড়িত নতুন নিয়মত কিছুমান বিশেষ কথাত সৰ্বাধিক গুৰুত্ব দিয়া হৈছে। সেইবোৰ হৈছে-
১. নতুন নিয়মত স্পষ্টকৈ উল্লেখ আছে যে ২.৫ লাখ টকা পৰ্যন্ত সোণৰ ঋণ লোৱাসকলে বন্ধকত দিয়া সোণৰ মূল্যৰ ৮৫ শতাংশ পৰ্যন্ত ঋণ লাভ কৰিব। ইয়াৰ ভিতৰত ঋণৰ সুতো অন্তৰ্ভুক্ত হ’ব। আগতে ই সোণৰ মূল্যৰ ৭৫ শতাংশৰ সমান আছিল আৰু ইয়াত সুত অন্তৰ্ভুক্ত কৰা হোৱা নাছিল। বহু এনবিএফচিয়ে সোণৰ মাত্ৰ ৬৫ শতাংশ ঋণ দি আছিল।
২. নতুন নিয়ম অনুসৰি ২.৫ লাখ টকাৰ কম মূল্যত সোণৰ ঋণ লোৱাসকলে আৰু আয় মূল্যায়ন বা ক্ৰেডিট পৰীক্ষাৰ প্ৰয়োজন নহ’ব। ইয়াৰ দ্বাৰা কম আয়ৰ গোটৰ লোক বা সৰু সৰু ঋণ লোৱা লোকসকল উপকৃত হ’ব।
৩. যিবোৰ সোণৰ ঋণৰ মূলধন আৰু সুত একেলগে দিয়া হয়, সেইবোৰৰ বাবে ইএমআই মাত্ৰ ১২ মাহৰ হ’ব। অৰ্থাৎ এবছৰৰ ভিতৰত ঋণ সম্পূৰ্ণৰূপে পৰিশোধ কৰিব লাগিব।
৪. সোণৰ ঋণৰ বাবে আপুনি কিমান সোণ বন্ধকত ৰাখিব পাৰে আৰু ইয়াৰ উপাদান কি হ’ব সেয়াও স্পষ্ট কৰি দিছে আৰ বি আইয়ে। উদাহৰণস্বৰূপে, সোণৰ ঋণৰ বাবে মাত্ৰ ১ কেজি সোণৰ গহনা বন্ধকত ৰাখিব পাৰিব, ইয়াৰ ভিতৰত সৰ্বোচ্চ সীমা ৫০ গ্ৰাম সোণৰ মুদ্ৰা অন্তৰ্ভুক্ত হ’ব।
৫. সোণৰ ঋণৰ লগতে এতিয়া আপোনাক ৰূপৰ ওপৰতো ঋণৰ প্ৰস্তাৱ দিয়া হ’ব। অৰ্থাৎ ৰূপৰ গহনা আৰু মুদ্ৰাৰ বিপৰীতেও নগদ ঋণ ল’ব পাৰিব।
সোণৰ ঋণ প্ৰদান কৰা কোম্পানীসমূহৰ দায়িত্বও নিৰ্ধাৰণ কৰিছে আৰ বি আইয়ে। উদাহৰণস্বৰূপে, ঋণ বন্ধ হোৱাৰ পিছত তেওঁলোকে বন্ধকত দিয়া সোণ বা ৰূপ নিৰ্দিষ্ট সময়সীমাৰ ভিতৰত ঘূৰাই দিব লাগিব, নহ’লে ক্ষতিপূৰণ দিব লাগিব। যদি বন্ধকত দিয়া সোণ হেৰাই যায় বা ইয়াৰ কোনো ক্ষতি হয়, তেন্তে ইয়াৰ বাবে কোম্পানী দায়ী হ’ব আৰু তাৰ ক্ষতিপূৰণ দিব লাগিব।
৬. কেৱল এয়াই নহয়, সোণৰ ঋণৰ বাবে প্ৰস্তুত কৰা নথি-পত্ৰত সোণৰ কেৰেট, ইয়াৰ পৰিমাণ, যদি হীৰা বা অন্যান্য ৰত্ন ষ্টাড কৰা হয়, তেন্তে চুক্তিত ইয়াৰ ওজন পৃথকে পৃথকে উল্লেখ কৰিব লাগিব। যদি ঋণ পৰিশোধ কৰাত ডিফল্ট হয়, তেন্তে তাৰ বিষয়ে সম্পূৰ্ণ তথ্য, নিলামৰ পূৰ্বে ঋণ লোৱাজনক জাননী আদি সম্পূৰ্ণ কৰিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
