ৰেমালৰ সৰ্বানাশী ৰূপ, কালি নিশাৰে পৰা ৰাজ্যত আৰম্ভ প্ৰচণ্ড ধুমুহা, বহু ঠাইত ব্যাহত জনজীৱন
পশ্চিমবংগৰ পাছতে অসমতো কালি নিশাৰে পৰা প্ৰচণ্ড ধুমুহা বৰষুণ। পৰিস্থিতি আৰু অধিক বেয়াৰ ফালে যোৱাৰ সম্ভৱনা। বতৰ বিজ্ঞান কেন্দ্ৰৰ ফালৰ পৰা ইতিমধ্যে সতৰ্কতা জাৰি কৰা হৈছে। চৰকাৰেও সতৰ্কতা জাৰি কৰিছে ৰেমাল ঘূৰ্ণী সন্দৰ্ভত।
পুৱাও গুৱাহাটী মহনগৰীৰৰ বিভিন্ন ঠাইত বিস্তৰ ক্ষতি কৰে ৰেমালে, অসমৰ অন্য ঠাইত ইয়াৰ অধিক প্ৰভাৱ দেখিবলৈ পোৱা যায়। বহু কেইখন জিলাত এই ৰেমালে তাণ্ডৱ চলাই।
বাঢ়নি পানীত ধ্বংস শিলচৰ-হাফলং সংযোগী পথ। নেৰানেপেৰা ধুমুহা বৰষুণত ৰাজ্যত ভয়ংকৰ পৰিস্থিতি। ক্ৰমাৎ লুইতৰ লগতে ভিন্ন নদ নদীৰ জলস্তৰ বৃদ্ধি । অনাগত ৪৮ ঘন্টাত পৰিস্থিতি অতি ভয়াৱহ হোৱাৰ আশংকা।
১০০ কিঃমিঃ প্ৰতিঘন্টাত গতিবেগত ৰেমালে চলাইছে উপদ্ৰৱ। ৰেমালৰ বাবে প্ৰশাসনৰ তৰফৰ পৰাও দিয়া হৈছে বহু কেইটা উপদেশ। সকলো চৰকাৰী সংস্থা তথা বিভাগক সতৰ্ক থাকিবলৈ উপদেশ।
জনসাধাৰণৰ সুবিধাৰ বাবে প্ৰতিখন গাঁও প্ৰধান, আপেডা মিত্ৰা, স্বেচ্ছাসেৱক সকলক সতৰ্ক হৈ থাকিবলৈ আহ্বান। প্ৰতিখন জিলাৰ ৰাজহ চক্ৰ বিষয়াক সাহায্য শিবিৰ গঠন কৰিবলৈও দিয়া হৈছে নিৰ্দেশনা।
ৰেমালৰ বাবে ৰাজ্যৰ বহু শিক্ষানুষ্ঠান কৰ্তৃপক্ষৰ ফালৰ পৰা বন্ধৰ নিৰ্দেশনা। মহানগৰীৰ বিদ্যালয় স্থগিত কৰাৰো আহি পৰিছে সম্ভাৱনা।
ব্যাহত হৈ পৰিছে বিদ্যুৎ সেৱা, ইণ্টাৰনেট সেৱা। নাই মোবাইল নেটৱৰ্ক। বন্ধ বিদ্যালয়। ঠায়ে ঠায়ে বাগৰিছে প্ৰকাণ্ড গছ।
মুখ্যমন্ত্ৰীয়েও সতৰ্কতা জাৰি কৰিছে ৰেমাল সন্দৰ্ভত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
