ভংগ হোৱাৰ দিশে ৰোহিত-বিৰাটৰ বিশ্ব ৰেকৰ্ড, ৰেকৰ্ড ভংগ কৰাৰ দিশে পাকিস্তানি ক্ৰিকেটাৰ
এদিনীয়া শৃংখলাত অষ্ট্ৰেলিয়াক পৰাস্ত কৰাৰ পিছত পাকিস্তান দল এইবাৰ টি-২০ শৃংখলাৰ বাবে সাজু হৈছে। কাইলৈ ১৪ নৱেম্বৰ পৰা তিনিখন মেচৰ টি-২০ ছিৰিজ আৰম্ভ হ’ব। প্ৰথমখন খেল দিনৰ ১.৩০ বজাৰ পৰা গাবাত অনুষ্ঠিত হ’ব।
এই খেলতেই পাকিস্তানৰ অভিজ্ঞ বেটছমেন বাবৰ আজম বিশেষ কৃতিত্ব অৰ্জন কৰাৰ দিশে অগ্ৰসৰ হব। নতুন বিশ্ব ৰেকৰ্ড কৰাৰ দিশে অগ্ৰসৰ হব বাবৰ। ভংগ কৰিব বাৰতৰ দুই মহান খেলুৱৈ ৰোহিত শৰ্মা আৰু বিৰাট কোহলীৰ বিশ্ব ৰেকৰ্ড ।
উল্লেখ্য যে, টি-২০ আন্তঃৰাষ্ট্ৰীয় ক্ৰিকেটত সৰ্বাধিক ৰান সংগ্ৰহৰ বিশেষ কৃতিত্ব টেষ্ট আৰু এদিনীয়া ফৰ্মেটৰ অধিনায়ক ৰোহিত শৰ্মাৰ নামত লিপিবদ্ধ হৈ আছে। ‘হিটমেন’ শৰ্মাই টি-২০ ক্ৰিকেটৰ পৰা অৱসৰ লোৱাৰ পূৰ্বে ২০০৭ চনৰ পৰা ২০২৪ চনৰ ভিতৰত ১৫৯খন মেচত অংশ লৈছিল। ইফালে ১৫১টা ইনিংছত ৩২.০৫ গড়ে ৪২৩১ ৰান কৰিবলৈ সক্ষম হয়।
আনহাতে পাকিস্তানৰ তাৰকা বেটছমেন বাবৰ আজমে ২০১৬ চনৰ পৰা ১২৩খন মেচ খেলি ১১৬টা ইনিংছত গড়ে ৪১.০৩ ৰান সংগ্ৰহ কৰি ৪১৪৫ ৰান সংগ্ৰহ কৰিছে। আগন্তুক মেচত যদি তেওঁ আৰু ৮৭ ৰান সংগ্ৰহ কৰে তেন্তে টি-২০ত সৰ্বাধিক ৰান কৰা প্ৰথমজন বেটছমেন হিচাপে পৰিগণিত হ’ব।
বৰ্তমান সৰ্বাধিক ৰান সংগ্ৰহৰ ক্ষেত্ৰত ৰোহিত শৰ্মা (৪২৩১) শীৰ্ষত আছে। তেওঁৰ পিছতে দ্বিতীয় স্থানত বিৰাট কোহলীৰ নাম। যিয়ে ২০১০ চনৰ পৰা ২০২৪ চনৰ ভিতৰত ১২৫খন মেচ খেলিছিল আৰু ১১৭টা ইনিংছত গড়ে ৪৮.৬৯ ৰানত ৪১৮৮ ৰান সংগ্ৰহ কৰিছিল।
টি-২০ আন্তঃৰাষ্ট্ৰীয় ক্ৰিকেটত সৰ্বাধিক ৰান সংগ্ৰহ কৰা শীৰ্ষ ৫ জন বেটছমেন
৪২৩১ ৰান – ৰোহিত শৰ্মা – ভাৰত
৪১৮৮ ৰান – বিৰাট কোহলী – ভাৰত
৪১৪৫ ৰান – বাবৰ আজম – পাকিস্তান
৩৬৫৫ ৰান – পল ষ্টাৰলিং – আয়াৰলেণ্ড
৩৫৩১ ৰান – মাৰ্টিন গুপটিল – নিউজিলেণ্ড
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
