ৰোগী ৰূপ ধৰি কেঞ্চাৰ হাস্পতালৰ চিকিৎসকৰ কাষ চাপিল যুৱক, তাৰ পাছতে ঘটিল অঘটন, চাৰিওফালে হাহাকাৰ
বুধবাৰে পুৱা চেন্নাইৰ এখন চৰকাৰী কেঞ্চাৰ চিকিৎসালয়ত এজন যুৱকে সংঘটিত কৰে এক আচৰিত কাণ্ড। যি কাণ্ডৰ পাছতে হাহাকাৰ লাগি যায় সকলোফালে। এজন চিকিৎসকক ৭ বাৰকৈ ছুৰীৰে আঘাত কৰে যুৱকে।
হাস্পতালত যোৱাৰ বাবে যুৱকগৰাকীয়ে নিজকে কেঞ্চাৰ ৰোগী হিচাপে উপস্থাপন কৰি গৈছিল। আৰু পাছত হাস্পতালত উপস্থিত হোৱাৰ পাছতে চিকিৎসকগৰাকীক আক্ৰমণ কৰে।
কলাইগনাৰ শতিকা চিকিৎসালয়ৰ অ’পিডিত সংঘটিত হৈছে এই ঘটনা। অভিযোগ অনুসৰি যুৱকগৰাকীৰ মাতৃ কৰ্কট ৰোগত আক্ৰান্ত আছিল। সেই হাস্পতালতে চিকিৎসা চলি আছিল। কিন্তু চিকিৎসকে মাতৃক ভুল ঔষধ প্ৰেছক্ৰিপচন দিয়াৰ অভিযোগ উত্থাপন কৰে যুৱকজনে।
ৰাজ্যখনৰ স্বাস্থ্যমন্ত্ৰী এম. এই আক্ৰমণত চিকিৎসৰগৰাকীৰ পেটত আঘাত লগা বুলি কয়। লগতে কয় চিকিৎসকগৰাকী ৰাজ্যখনৰ এগৰাকী লেখত লব লগা চিকিৎসক। অৱশ্যে চিকিৎসকজনৰ অৱস্থা বৰ্তমানে সুস্থিৰ বুলি সদৰি কৰিছে।
আক্ৰমণৰ পিছত অভিযুক্ত যুৱকজনে (২৬ বছৰীয়া) পলাবলৈ চেষ্টা কৰিছিল। কিন্তু তেওঁক ধৰি গুইণ্ডী থানাত গতাই দিয়া হয়। আৰক্ষীৰ মতে, আক্ৰমণকাৰীয়ে নিজৰ লগত লুকুৱাই ৰাখিছিল এখন সৰু দা।
তামিলনাডুৰ মুখ্যমন্ত্ৰী এম. ষ্টেলিনে এই আক্ৰমণক গৰিহণা দি তদন্তৰ নিৰ্দেশ দিয়ে। লগতে ভৱিষ্যতে এনেধৰণৰ আক্ৰমণ নহ’ব বুলিও আশ্বাস দিয়ে আৰু চিকিৎসকৰ সুৰক্ষা সুনিশ্চিত হ’ব। ষ্টেলিনে কয় যে, চিকিৎসকসকলে আগবঢ়োৱা সেৱা প্ৰশংসনীয় আৰু তেওঁলোকক সুৰক্ষা দিয়াটো আমাৰ দায়িত্ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
