ইতিমধ্যেই বিজেপি দলৰ পৰা কোন সমষ্টিত কোনে টিকট পাব সেই ঘোষণা কৰা হৈছে৷ পূৰ্বৰ ধাৰা অক্ষুন্ন ৰাখি এইবাৰ আকৌ মৰিয়নিত টিকট লাভ কৰিলে ৰূপজ্যোতি কূৰ্মী অৰ্থাৎ সকলোৰে মৰমৰ ধনুকাইয়ে৷ টিকট লাভৰ খবৰ শুনা মাত্ৰকে ৰূপজ্যোতি কূৰ্মীয়ে সামাজিক মাধ্যমত শ্বেয়াৰ কৰিছে বিশেষ পোষ্ট৷
ৰূপজ্যোতিয়ে লিখিছে, ‘আমাৰ মৰিয়নী, আমি গঢ়িম’
মৰিয়নী সমষ্টিৰ ৰাইজৰ বাবে এক বিশেষ বাৰ্তা
মৰিয়নী সমষ্টিৰ হৃদয় ৰেখা, আহোম ৰজা দিনীয়া ঐতিহাসিক ধোদৰ আলিৰ পৰা আপোনালোকক সেৱা জনাইছোঁ… যি পথ দেশৰ স্বাধীনতাৰ ৭৫ বছৰেও দুখন গাড়ী একেলগে পাৰ হওঁতে অসুবিধা পাইছিল,এতিয়া মাননীয় মুখ্যমন্ত্ৰী ড° Himanta Biswa Sarma ডাঙৰীয়াৰ আশীৰ্বাদত তিনিখন গাড়ী একেলগে পাৰ হ’ব পৰাকৈ নিৰ্মাণ হৈ আছে, এই পথৰ পৰাই আপোনালোকলৈ সেৱা আগবঢ়াইছোঁ 
প্ৰথমে মোৰ পিতৃ-মাতৃক সেৱা জনাইছোঁ। দ্বিতীয়তে মৰিয়নী সমষ্টিৰ সন্মানীয় ৰাইজ আৰু #BJP তথা #NDA মিত্ৰজোঁটৰ সকলো জ্যেষ্ঠ-শ্ৰেষ্ঠ কাৰ্যকৰ্তাক মোৰ সেৱা আৰু প্ৰণাম জনাইছোঁ। মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়া, মাননীয় প্ৰধানমন্ত্ৰী শ্ৰীযুত Narendra Modi ডাঙৰীয়া, কেন্দ্ৰীয় সমিতিৰ সভাপতি শ্ৰী Nitin Nabin ডাঙৰীয়া আৰু ৰাজ্যিক বিজেপিৰ সভাপতি শ্ৰী Dilip Saikia ডাঙৰীয়াৰ আশীৰ্বাদত মই পুনৰবাৰ ভাৰতীয় জনতা পাৰ্টিৰ হৈ ২০২৬ চনৰ নিৰ্বাচনত প্ৰাৰ্থিত্ব লাভ কৰিবলৈ সক্ষম হৈছোঁ। আপোনালোকৰ সকলোৰে শুভেচ্ছা, আশীৰ্বাদ আৰু প্ৰাৰ্থনাৰ ফলতেই আজি মই এই সন্মানৰ অধিকাৰী হৈছোঁ।
মাননীয় প্ৰধানমন্ত্ৰী ডাঙৰীয়াই আমাৰ দেশক বিশ্বৰ শীৰ্ষতম দেশ হিচাপে প্ৰতিষ্ঠা কৰাৰ যি পণ লৈছে, লগতে মাননীয় মুখ্যমন্ত্ৰী ডাঙৰীয়াই অসমক দেশৰ শ্ৰেষ্ঠ ৫ খন ৰাজ্যৰ ভিতৰত স্থান দিয়াৰ যি পণ লৈছে, সেই সপোন বাস্তৱায়িত কৰিবলৈ আমি বদ্ধপৰিকৰ।
ইয়াৰ সমান্তৰালকৈ মইও পণ লৈছোঁ যে, অসমৰ ১২৬ টা সমষ্টিৰ ভিতৰত আমাৰ মৰিয়নীক প্ৰথম ১০ টা শ্ৰেষ্ঠ সমষ্টিৰ ভিতৰত স্থান দিম। মোৰ দৃঢ় বিশ্বাস, আপোনালোকৰ আশীৰ্বাদত আমাৰ জয় নিশ্চিত। অনাগত নিৰ্বাচনত কংগ্ৰেছ আৰু ৰাইজৰ দল সম্পূৰ্ণৰূপে নিঃশেষ হ’ব।
জয় আই অসম!
ভাৰত মাতা কি জয়! 
’
’এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
