চকুত ছানগ্লাছ, মুখত হাঁহি লৈ হাস্পতালৰ পৰা ওলাল ছেইফ
মুম্বাইৰ বান্দ্ৰাত থকা ঘৰত অনুপ্ৰৱেশকাৰীয়ে আক্ৰমণ কৰা অভিনেতা ছেইফ আলী খানক ঘটনাৰ ৫ দিনৰ পাছত আজি মঙলবাৰে চিকিৎসালয়ৰ পৰা ঘৰলৈ যাবলৈ দিয়া হয়। ছেইফক ঘৰলৈ নিবলৈ তেওঁৰ পত্নী বলীউডৰ অভিনেত্ৰী কৰীনা কাপুৰ খান লীলাৱতী হাস্পতালত উপস্থিত হৈছিল।
https://x.com/Bollyhungama/status/1881668965958828429
সন্ধিয়া প্ৰায় পাঁচ বজাত পৰিয়ালৰ সৈতে ঘৰলৈ ৰাওনা হয় ছেইফে। চকুত কলা ছানগ্লাছ আৰু মুখত এমোকোৰা হাঁহিৰে সৈতে হাস্পতালৰ পৰা বাহিৰ হয় অভিনেতাগৰাকী।
হাস্পতালৰ পৰা ওলাইয়ে এখন ক’লা গাড়ীৰ সন্মুখৰ চিটত বহি হাঁহি হাঁহি অনুৰাগীক অভিবাদন জনাই থকা দেখা গৈছে ছেইফক। সম্পূৰ্ণ সুস্থ হ’বলৈ আৰু কেইদিনমান জিৰণি ল’ব লাগিব বুলি চিকিৎসকে পৰামৰ্শ দিছে। প্ৰায় এমাহ মান সময় লাগিব বুলি সদৰি কৰিছে চিকিৎসকে।
https://x.com/ANI/status/1881666337606631645
আনহাতে ছেইফৰ ঘৰতো নিৰাপত্তা বৃদ্ধি কৰা হৈছে। ১৫ জানুৱাৰীৰ নিশা অনুপ্ৰৱেশকাৰীয়ে অভিনেতাজনক কেইবাবাৰো চোকা অস্ত্ৰৰে আঘাত কৰিছিল। বহু ঠাইত আঘাতপ্ৰাপ্ত হৈছিল, লগতে পিঠিৰ ৰাজহাড়ত চোকা অস্ত্ৰৰ টুকুৰাও ৰৈ গৈছিল। যাৰ বাবে চিকিৎসালয়তে জৰুৰী অস্ত্ৰোপচাৰ কৰিবলগীয়া হৈছিল।
https://x.com/filmfare/status/1881663602886857028
বৰ্তমানে অভিনেতাগৰাকীৰ ঘৰৰ নিৰাপত্তা বৃদ্ধি কৰা হৈছে। অভিনেতা গৰাকীৰ ঘৰৰ ফ্ল’ৰত সকলো ফালৰ পৰা ঘেৰাও কৰি বিশেষ জাল তথা নেট লগাই দিয়া হৈছে। ইয়াৰ সমান্তৰালকৈ চিচিটিভি কেমেৰাও স্থাপন কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
