গেলেক্সি এপাৰ্টমেণ্টৰ নিৰাপত্তা অধিক বৃদ্ধি, ভিতৰুৱা কাৰণ অন্য কিবা নেকি !
মুম্বাইৰ ছলমান খানৰ গেলেক্সি এপাৰ্টমেণ্টৰ নিৰাপত্তা আৰু অধিক বৃদ্ধি কৰা হৈছে। কিছুদিনৰে পৰা ছলমান খানৰ গেলেক্সি এপাৰ্টমেণ্টত কাম চলি আছিল। ছলমানে ঘৰৰ বেলকনি বুলেটপ্ৰুফ গ্লাছেৰে সুৰক্ষিত কৰি লৈছে। পাছে ইয়াৰ কাৰণ কি!
উল্লেখ্য যে, যোৱা কেইমাহমানৰ পৰা লৰেন্স বিষ্ণোই গেঙৰ পৰা অভিনেতাগৰাকীলৈ ধমকি আহি আছিল। ছলমান খানৰ নিৰাপত্তাৰক্ষীক সৰ্বোচ্চ অগ্ৰাধিকাৰ দিয়া হৈছে।
আজি ২০২৫ চনৰ ৭ জানুৱাৰীত ছলমান খানৰ মুম্বাইৰ ঘৰ গেলাক্সি এপাৰ্টমেণ্টত একাংশ কৰ্মচাৰীক কাম কৰি থকা স্পষ্টকৈ দেখা গৈছিল। ছলমানৰ সুৰক্ষাৰ বাবে ঘৰৰ বেলকনিখনৰ চাৰিওফালে নীলা ৰঙৰ বুলেটপ্ৰুফ গ্লাছেৰে ঢাকি থোৱা দেখা যায়।
অভিনেতাগৰাকীৰ সুৰক্ষাৰ বাবে ৰাজহুৱা স্থানতো দেখা গৈছে কটকটীয়া নিৰাপত্তাৰ বেষ্টনি। শেহতীয়াকৈ গুজৰাটৰ জামনগৰত উপস্থিত হৈ ছুপাৰষ্টাৰগৰাকীয়ে আম্বানী পৰিয়ালৰ ঘৰত বন্ধু-বান্ধৱ আৰু পৰিয়ালৰ সৈতে ৫৯ সংখ্যক জন্মদিন উদযাপন কৰে।
ছলমানেও নিশ্চিত কৰিছে যে এনেধৰণৰ কোনো শংকাই তেওঁৰ কামত কোনো প্ৰভাৱ নকৰে। সংবাদ মাধ্যমৰ বাতৰি অনুসৰি ছলমানে ৰশ্মিকা মাণ্ডানাৰ সৈতে তেওঁৰ আগন্তুক ছবি চিকন্দৰৰ অন্তিম শ্বুটিং আৰম্ভ কৰিবলৈ সাজু হৈছে। ১০ জানুৱাৰীৰ পৰা মুম্বাইত শেষৰ সূচী আৰম্ভ হ’ব বুলি জানিব পৰা গৈছে। ২০২৫ চনৰ ঈদত ছবিগৃহত মুক্তি পাব চিকন্দৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
