কাইলৈ ২১ ছেপ্টেম্বৰ ২০২৪ শনিবাৰে চন্দ্ৰই পুৱা ৬বাজি ৯ মিনিট পৰ্যন্ত মেষ ৰাশিত অৱস্থান কৰিব৷ তাৰপাছতেই প্ৰৱেশ কৰিব বৃষ ৰাশিত৷ বৈদিক পঞ্জিকা অনুসৰি কাইলৈ আহিন মাহৰ কৃষ্ণপক্ষৰ চতুৰ্থী তিথি৷ কাইলৈ পিতৃপক্ষৰ চতুৰ্থ দিন৷ এই সময়ত সূৰ্যই কন্যা ৰাশিত অৱস্থান কৰিব৷ জ্যোতিষ গণনা অনুসৰি কাইলৈ থাকিব হৰ্ষণা যোগ, শ শ যোগ আৰু জ্বালামুখী যোগৰ প্ৰভাৱ৷ কাইলৈ থাকিব ভৰণী নক্ষত্ৰৰ প্ৰভাৱো৷ এই সকলো যোগৰ প্ৰভাৱত কাইলৈ দিনটো বিশেষ মাহাত্ম্যপূৰ্ণ হ’ব৷ হিন্দুধৰ্ম অনুসৰি শনিবাৰ হৈছে শনিৰ প্ৰিয় দিন৷ জ্যোতিষ গণনা অনুসৰি কাইলৈ কেইটামান ৰাশিৰ জাতকৰ জীৱনত প্ৰচুৰ সুখ সাফল্য লাভ হ’ব৷ জানি থওক কাইলৈ ভাগ্যবান ৰাশিৰ তালিকাত কোন কোন আছে?
মিথুন ৰাশি
কাইলৈ ২১ ছেপ্টেম্বৰ অত্যন্ত শুভ দিন মিথুন ৰাশিৰ জাতকৰ বাবে৷ কাইলৈ দিনটো আপোনাৰ বাবে শুভ ফলদায়ক হ’ব৷ বন্ধু আৰু আত্মীয়সকলৰ সৈতে কৰোবালৈ ফুৰিবলৈ যাব পাৰে৷ পিতৃৰ সৈতে সম্পৰ্কত খেলিমেলি থাকিলে সকলো দূৰ হ’ব৷ কাইলৈ হঠাৎ পিতৃৰ সহায় লাভ কৰিব আপুনি৷ ব্যৱসায়ীসকলৰ বাবেও কালিৰ দিনটো আৰ্থিকভাৱে অনুকূল হ’ব৷ হঠাৎ অৰ্থলাভ হ’ব পাৰে৷
সিংহ ৰাশি
কাইলৈ শ শ যোগৰ শুভ প্ৰভাৱত কেৰিয়াৰত বিশেষ উন্নতি কৰিব পাৰে সিংহ ৰাশিৰ জাতকে৷ কাইলৈ সকলো কামতেই ভাগ্যক নিজৰ কাষত পাব আপুনি৷ চাকৰি পৰিবৰ্তন কৰিব বিচাৰিলে কাইলৈ শুভ ফল পাব৷ পৰিয়ালৰ সৈতে কাইলৈ দিনটো আনন্দেৰে কটাব৷ ভায়েক বা ভনীয়েকৰ সহায় লাভ কৰিব৷ কোনো গুৰুত্বপূৰ্ণ কামতো কাইলৈ আগবাঢ়িব পাৰে৷
বৃশ্চিক ৰাশি
কাইলৈ শনিবাৰে গ্ৰহৰাজৰ আশীৰ্বাদ থাকিব বৃশ্চিক ৰাশিৰ ওপৰত৷ কাইলৈ নিজৰ পুৰণি সকলো অসম্পূৰ্ণ কাম আপুনি সম্পন্ন কৰিব পাৰিব৷ পৰিস্থিতিৰ ওপৰত সম্পূৰ্ণ নিয়ন্ত্ৰণ ৰাখিব পাৰিব৷ ব্যক্তিগত জীৱনো কাইলৈ পৰিপূৰ্ণ হৈ থাকিব৷ জীৱনসংগীৰ সৈতে পাৰস্পৰিক সম্পৰ্ক ভালে থাকিব৷ কাইলৈ যি কামতেই হাত দিয়ে তাতেই সফলতা লাভ কৰিব বৃশ্চিক ৰাশিৰ জাতকে৷
ধনু ৰাশি
কাইলৈ হৰ্ষণা যোগৰ শুভ প্ৰভাৱত কাৰ্যকৰী আৰু লাভজনক দিন কটাব ধনু ৰাশিৰ জাতকে৷ ৰিয়েল এষ্টেটৰ পৰা অতিৰিক্ত লাভ হ’ব৷ সকলো বিষয়তে পৰিয়ালৰ সদস্যসকলক কাষত পাব আপুনি৷ কৰ্মক্ষেত্ৰত ধনু ৰাশিৰ জাতকৰ কামৰ প্ৰশংসা সকলোৱে কৰিব৷ সংগীৰ পৰামৰ্শত কাইলৈ লাভৱান হ’ব আপুনি৷ কেৰিয়াৰৰ দিশৰ পৰাও ভাল প্ৰস্তাৱ পাব পাৰে৷
মীন ৰাশি
শ শ যোগৰ শুভ প্ৰভাৱ আৰু শনিৰ কৃপাত কাইলৈ ভাগ্য খুলিব মীন ৰাশিৰ জাতকৰ৷ কেৰিয়াৰত কোনো সুখবৰ পাব পাৰে৷ আশ্বিন কৃষ্ণা চতুৰ্থীত আৰ্থিকভাৱে লাভৱান হ’ব আপুনি৷ মীন ৰাশিৰ জাতকে কোনো পুৰণি অসুখ বিসুখ থাকিলে কাইলৈ মুক্তি পাব৷ হঠাৎ অৰ্থলাভ কৰিব পাৰে৷ ঘৰৰ পৰিবেশ সুখ আৰু শান্তিৰ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
