ভাৰতীয় ষ্টেট বেংকৰ গ্ৰাহকৰ বাবে এক ডাঙৰ খবৰ। এইবাৰ একাউণ্টৰ পৰা ধন উলিওৱাৰ চাৰ্জ আৰু বৃদ্ধি হ’বলৈ গৈ আছে। ১ অক্টোবৰৰ পৰা কাৰ্যকৰী হ’ব এই নতুন নিয়ম।
২০ আগষ্টত ভাৰতীয় ষ্টেট বেংকে নগদ ধন উলিওৱাৰ চাৰ্জৰ পৰিৱৰ্তন হ’ব বুলি ঘোষণা কৰে। ১ অক্টোবৰৰ পৰা শাখা চেনেলৰ জৰিয়তে খোলা এছ বি আইৰ বেচিক ছেভিংছ বেংক জমা একাউণ্টৰ পৰা ধন উলিওৱাৰ চাৰ্জৰ পৰিৱৰ্তন হ’ব।
এছ বি আইয়ে জাননীখনত উল্লেখ কৰিছে যে প্ৰতিমাহে প্ৰথম চাৰিটা উলিওৱা বিনামূলীয়া হ’ব, অৰ্থাৎ প্ৰথম চাৰিটা এ টি এম উলিওৱাৰ বাবে কোনো ধৰণৰ চাৰ্জ লোৱা নহ’ব। ইয়াৰ পিছত প্ৰতিটো উলিওৱা বা লেনদেনৰ বাবে ১৫ টকা চাৰ্জ আৰোপ কৰা হ’ব। ইয়াৰ সমান্তৰালকৈ জি এছ টিও আৰোপ কৰা হ’ব।
যদি আপোনাৰ এছ বি আই বেচিক চেভিংছ একাউণ্ট আছে, তেন্তে ১ অক্টোবৰৰ পৰা এ টি এম উলিওৱাৰ চাৰ্জ বেছি হ’ব।
এছ বি আইৰ মৌলিক সঞ্চয় একাউণ্ট কি কি?
মৌলিক চেভিংছ বেংক জমা একাউণ্ট হৈছে এটা মৌলিক বেংকিং একাউণ্ট। এই একাউণ্টত নূন্যতম বেলেঞ্চৰ প্ৰয়োজনীয়তা নাই। মৌলিক জমা আৰু উলিওৱাৰ বাবে কোনো ধৰণৰ চাৰ্জ লোৱা নহয়।
কোনে বেছিকৈ প্ৰভাৱিত হ’ব?
মাহে চাৰিবাৰতকৈ অধিক এটিএমৰ পৰা ধন উলিওৱা এছবিআইৰ গ্ৰাহকসকল এই নতুন নিয়মৰ দ্বাৰা সৰ্বাধিক প্ৰভাৱিত হ’ব। যিসকলে ডিজিটেল বেংকিং ব্যৱহাৰ কৰে বা এটিএম বেছি ব্যৱহাৰ নকৰে তেওঁলোকৰ ওপৰত এই চাৰ্জৰ বিশেষ প্ৰভাৱ নপৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
