শ্বেয়াৰ বজাৰেই হওক বা মিউছুৱেল ফাণ্ড৷ বজাৰ উঠিলে সকলোতেই ভাল৷ মোটা টকা ৰিটাৰ্ণ পাবই৷ কিন্তু নামিলেই সৰ্বনাশ৷ কষ্টৰ টকা পানীত পৰে৷ সাধাৰণ বিনিয়োগকাৰীয়ে এই খেলত সেয়ে সোমাব নিবিচাৰে৷ তেওঁলোকে বিচাৰে নিৰাপদ বিনিয়োগ বিকল্প৷ নিৰাপদ বিনিয়োগ মানে ফিক্সড ডিপোজিট৷ ইয়াত কোনো ধন হেৰুওৱাৰ ভয় নাই৷ টকাও সম্পূৰ্ণ নিৰাপদ৷ ইয়াৰ সৈতে নিশ্চিত ৰিটাৰ্ণৰ গেৰেণ্টি৷ বিনিয়োগ কৰাৰ সময়ত গ্ৰাহকে জানিব বিচাৰে তেওঁলোকে কিমান টকা হাৰত সুদ পাব৷ সেই অনুযায়ী ৰিটাৰ্ণ গণনা কৰি ল’ব পাৰি৷
আৰ্থিক বিশেষজ্ঞইয়ো কৈছে যে এককালীন কৰ্পাছ তৈয়াৰৰ বাবে ফিক্সড ডিপোজিট আদৰ্শ৷ বেংকে সময়ে সময়ে সুদৰ হাৰ পৰ্যালোচনা কৰে৷ কেতিয়াবা সুদ বাঢ়ে৷ কেতিয়াবা কমে৷ যিহওক ফিক্সড ডিপোজিটৰ বাবে দেশৰ সকলোতকৈ ডাঙৰ ৰাষ্ট্ৰায়ত্ত বেংক এছ বি আইক বাছি লোৱা যায়৷ আৰ্থিক বিশেষজ্ঞসকলেও কৈছে, এককালীন কৰ্পাছ তৈয়াৰৰ বাবে ফিক্সড ডিপোজিট আদৰ্শ৷ SBIত ৫ বছৰৰ বাবে ম্যাদি ফিক্সড ডিপোজিটত প্ৰবীণ নাগৰিকসকলক ৭.৫০ শতাংশ হাৰত সুদ দিয়া হয়৷ কেৱল এয়াই নহয়৷ কোনোৱে যদি ৫লাখ টকাৰ ফিক্সড ডিপোজিট কৰে তেন্তে আয়কৰৰ পৰাও ৰেহাই পাব৷ কোনো বিনিয়োগকাৰীয়ে যদি এই ম্যাদ ৫লাখ টকাৰ ফিক্সড ডিপোজিট কৰে তেন্তে কিমান টকা ৰিটাৰ্ন পাব?
ফিক্সড ডিপোজিট কেলকুলেটৰৰ পৰা খুব সহজেই ৰিটাৰ্ণ গণনা কৰা হৈছে৷ বেংকৰ অফিচিয়েল ৱেবচাইটতেই থাকে এই কেলকুলেটৰ৷ সুদৰ হাৰ, বিনিয়োগৰ পৰিমান আৰু ম্যাদ দিলেই ৰিটাৰ্ণ কিমান পাব সেয়া জানিব পাৰি৷ ষ্টেট বেংক অফ ইণ্ডিয়াৰ ফিক্সড ডিপোজিট কেলকুলেটৰ অনুসৰি পাঁচ বছৰ ম্যাদত ৫লাখ টকাৰ ফিক্সড ডিপোজিট কৰিলে মেচিউৰিটিত ৭, ২৮, ৯৭৮ টকা ৰিটাৰ্ণ পাব৷
ইয়াৰ মাজত ৫লাখ টকাৰ প্ৰিন্সিপাল এমাউণ্ট বা মূল পৰিমাণ আৰু বাকী ২,২৪,৯৭৪ টকা সুদ৷ এবছৰৰ ম্যাদত ৬.৮০ শতাংশ হাৰত সুদ দিছে এছ বি আইয়ে৷ ১ বছৰৰ বাবে যদি কোনোৱে ৫লাখ টকাৰ ফিক্সড ডিপোজিট কৰে তেন্তে তেওঁ ৫,৩৪,৮৭৬ টকা ৰিটাৰ্ণ পাব৷ ইয়াৰ মাজতেই সুদৰ পৰা পাব ৩৮, ৮৭৬ টকা৷ ২ বছৰৰ ম্যাদত সুদৰ হাৰ হয় ৭শতাংশ৷ তেন্তে ২্ বছৰৰ ম্যাদত যদি কোনোৱে ৫লাখ টকাৰ ফিক্সড ডিপোজিট কৰে তেন্তে মেচিউৰিটিত তেওঁ ৫,৭৪,৭৪০টকা ৰিটাৰ্ণ পাব৷ সুদ পাব ৭৪,৪৪০ টকা৷ ৩ বছৰৰ ম্যাদত সুদৰ হাৰ ৬.৭৫ শতাংশ৷ যদি কোনোৱে ৩ বছৰ ম্যাদত ৫লাখ টকাৰ ফিক্সড ডিপোজিট কৰে তেন্তে ৬,১১,১৯৬টকা ৰিটাৰ্ণ পাব৷ মেচিউৰিটিত সুদৰ পৰা ব্যক্তিজনে আয় কৰিব পাৰিব ১,১১,১৯৬ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
