ছেবাৰ টোগলকী কাণ্ডৰ বলি হ’ল হাই স্কুল শিক্ষান্ত পৰীক্ষাৰ দুগৰাকীকৈ পৰীক্ষাৰ্থী৷ ছেবাৰ দায়িত্বজ্ঞানহীতাৰ বাবে দুগৰাকী পৰীক্ষাৰ্থীয়ে পৰীক্ষাৰ ফলাফলৰ সময়ত অসমৰ ভিতৰতে স্থান লাভৰ পৰা বঞ্চিত হৈছিল৷ বঞ্চিত হোৱা মেধাৱী পৰীক্ষাৰ্থী দুগৰাকী হৈছে ক্ৰমে প্ৰাৰ্থনা দত্ত আৰু অবিনাশ চহৰীয়া৷
শিৱসাগৰ জিলাৰ শলগুৰি উচ্চতৰ মাধ্যমিক বিদ্যালয়ৰ ছাত্ৰী প্ৰাৰ্থনা দত্ত বহী পুৰীক্ষণৰ পিছতে হাই স্কুল শিক্ষান্ত পৰীক্ষাত ৰাজ্যৰ ভিতৰতে ষষ্ঠ স্থান লাভ কৰিবলৈ সক্ষম হৈছে।
শলগুৰি অঞ্চলৰ প্ৰয়াত তিলক দত্ত আৰু জুৰি শইকীয়া দত্তৰ একমাত্ৰ কন্যা প্ৰাৰ্থনা দত্তক ছেবাই প্ৰথমে প্ৰাপ্য নম্বৰ নিদি সাধাৰণ বিজ্ঞানত মাত্ৰ ৬৭ নম্বৰ দিয়াৰ বাবেই স্থান লাভৰ পৰা বঞ্চিত হৈছিল।
লগতে পঢ়ক ৬ বছৰীয়া শিশুক ধৰ্ষণ ৬৫ বছৰীয়া বৃদ্ধৰ, পলাতক লম্পট বৃদ্ধ অভিযুক্ত
কিন্তু ইয়াতে অসন্তুষ্ট হৈ ছাত্ৰীগৰাকীয়ে পুনৰীক্ষণৰ বাবে ছেবা কৰ্তৃপক্ষৰ ওচৰত আবেদন জনায়। ছেবাই বহী পুনৰীক্ষণ কৰাৰ পিছত প্ৰাৰ্থনা দত্তই সাধাৰণ বিজ্ঞান ৯৯ নম্বৰ লাভ কৰিবলৈ সক্ষম হোৱাৰ লগতে ৰাজ্যৰ ভিতৰতে ষষ্ঠ স্থান লাভ কৰে৷
শুকুৰবাৰে ছেবাৰ সদস্য উমেশ শর্মা, পবিত্রপ্রাণ ভট্টাচার্য, ফাদাৰ ডেনিয়েল, বিপুল কুমাৰ দাস আৰু জিলা শিক্ষা বিষয়া কমলজ্যোতি গগৈ ছাত্ৰীগৰাকীৰ বাসগৃহত উপস্থিত হৈ মেধাৱী ছাত্ৰীগৰাকীয়ে সাধাৰণ বিজ্ঞানত ৯৯ নম্বৰ লাভ কৰি অসমৰ ভিতৰত ষষ্ঠ স্থান লাভ কৰাৰ বিষয়ে অৱগত কৰি ছাত্ৰীগৰাকীক অভিনন্দন জনোৱাৰ লগতে মার্কশ্বীট আৰু উত্তীর্ণৰ প্ৰমানপত্ৰ প্ৰদান কৰে।
উল্লেখ্য যে একেখন বিদ্যালয়ৰে পৰা উচ্চতৰ মাধ্যমিকৰ চূড়ান্ত পৰীক্ষাত দেবীস্তুতি হাজৰিকা নামৰ মেধাৱী ছাত্ৰীগৰাকীয়ে ৰাজ্যৰ ভিতৰতে দশম স্থান লাভ কৰিবলৈ সক্ষম হৈছিল।
লগতে পঢ়ক উবেৰত মহিলাক যৌন নিৰ্যাতন চালকৰ! ন্যায় বিচাৰি ৫০০ মহিলা পালেগৈ ন্যায়ালয়
ইপিনে, প্ৰাৰ্থনা দত্তৰ দৰেই আন এগৰাকী ছাত্ৰই বহী পুনৰীক্ষণৰ জৰিয়তে মেট্ৰিকৰ পৰীক্ষাত ৰাজ্যৰ ভিতৰতে দশম স্থান লাভ কৰিবলৈ সক্ষম হৈছে।
ছিপাঝাৰ উচ্চতৰ মাধ্যমিক বিদ্যালয়ৰ ছাত্ৰ অবিনাশ চহৰীয়াই পুনৰ পৰীক্ষা নিৰীক্ষণ কৰাত গণিত বিষয়ত ৫৬ নম্বৰৰ বিপৰীতে ১০০ নম্বৰ লাভ কৰি ৰাজ্যৰ ভিতৰতে দশম স্থান লাভ কৰিবলৈ সক্ষম হয়। দায়িত্বজ্ঞানহীন ছেবাই মেধাৱী পৰীক্ষাৰ্থীগৰাকীক ১০০ নম্বৰৰ পৰিৱৰ্তে মাত্ৰ ৫৬ নম্বৰ দি স্থান লাভৰ পৰা বঞ্চিত কৰিছিল৷
ইফালে হাইস্কুল শিক্ষান্ত পৰীক্ষাৰ দৰে এক গুৰুত্বপূৰ্ণ পৰীক্ষাত ছেবাৰ এনে ধৰণৰ দায়িত্বজ্ঞানহীন কাণ্ডক দুয়োগৰাকী মেধাৱী পৰীক্ষাৰ্থীৰ স্থানীয় ৰাইজে ক্ষোভ প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
