২০২৪ চনৰ আধা পাৰেই হ’ল৷ আৰু মাত্ৰ ২টা মাহ পাৰ হ’লেই আৰম্ভ হ’ব ২০২৫ চন৷ জ্যোতিষ গণনা অনুসৰি ২৫ চন কেইবাটাও কাৰণত গুৰুত্বপূৰ্ণ হ’ব৷ গ্ৰহৰ অৱস্থানৰ প্ৰেক্ষিতত আগন্তুক বছৰত কেইবাটাও ঘটনা ঘটিব? তাৰ মাজতেই উল্লেখযোগ্য হৈছে শনি আৰু ৰাহুৰ গোচৰ৷ সন্মুখৰ বছৰত ৰাশি পৰিবৰ্তন কৰিব শনি আৰু ৰাহুৱে৷
শনিৰ ৰাশি পৰিবৰ্তন
বৰ্তমান শনিয়ে অৱস্থান কৰিছে কুম্ভ ৰাশিত৷ ৩০ বছৰ পাছত নিজৰ স্ব ৰাশি কুম্ভলৈ আহিছে শনিয়ে৷ ২০২৩ চনৰ ১৭ জানুৱাৰীৰ পৰা শনিয়ে কুম্ভ ৰাশিত অৱস্থান কৰিছে৷ ইয়াৰপাছতেই ২০২৫ চনৰ ২৯ মাৰ্চত নিজৰ স্থান পৰিবৰ্তন কৰি মীন ৰাশিত গোচৰ কৰিব শনিয়ে৷ তাতেই পৰবৰ্তী আঢ়ৈ বছৰ থাকিব সকলোতকৈ ধীৰে স্থান পৰিবৰ্তনকাৰী এই গ্ৰহ৷
ৰাহুৰ ৰাশি পৰিবৰ্তন
বৰ্তমান ৰাহু আছে মীন ৰাশিত৷ ২০২৫ চনৰ ১৮ মেত ৰাহুৱে বক্ৰী চলনেৰে মীন ৰাশি এৰি কুম্ভ ৰাশিত প্ৰৱেশ কৰিব৷ শনিৰ ৰাশি কুম্ভত ৰাহুৰ প্ৰৱেশৰ ফলত তাৰ অশুভ প্ৰভাৱ পৰিব বিভিন্ন ৰাশিৰ জাতকৰ জীৱনত৷ জানি থওক সন্মুখৰ বছৰত শনি আৰু ৰাহুৰ গোচৰত সমস্যাত পৰিব কোন কোন ৰাশিৰ জাতক?
মকৰ ৰাশি
শনি আৰু ৰাহুৰ গোচৰৰ ফলত ২০২৫ চনত নানান সমস্যাই ঘেৰি ধৰিব মকৰ ৰাশিৰ জাতকক৷ সন্মুখৰ বছৰত আপোনাৰ মানসিক চাপ বাঢ়িব৷ আৰ্থিক পৰিস্থিতিও খুব এটা ভালে নাথাকিব৷ অতিৰিক্ত খৰচ বাঢ়ি যোৱাৰ বাবে সঞ্চয় ভাঙিব লগা হ’ব মকৰ ৰাশিৰ জাতকে৷ সৰু সৰু কামৰ বাবেও বহু বেছি পৰিশ্ৰম কৰিব লাগিব আপুনি৷ আগন্তুক বছৰত যি কামতেই হাত দিয়ে তাতেই বাধাৰ সন্মুখীন হ’ব মকৰ ৰাশিৰ জাতক৷
কুম্ভ ৰাশি
২৫ তন কুম্ভ ৰাশি ত্যাগ কৰি মীন ৰাশিত প্ৰৱেশ কৰিব শনিয়ে৷ অন্যহাতে মীন ৰাশি ত্যাগ কৰি কুম্ভ ৰাশিত আহিব ৰাহু৷ শনি আৰু ৰাহুৰ অৱস্থান পৰিবৰ্তনৰ প্ৰভাৱত নানান চেলেঞ্জ আহিব কুম্ভ ৰাশিৰ জাতকৰ জীৱনলৈ৷ এই সময়ত নতুন কামত হাত নিদিয়াই ভাল৷ বহু বেছি পৰিশ্ৰম কৰিব লাগিব আপুনি৷ আৰ্থিকভাৱেই ক্ষতিৰ মুখত পৰিব কুম্ভ ৰাশিৰ জাতক৷
মীন ৰাশি
মীন ৰাশিতো গ্ৰহৰ অহা যোৱাই কুপ্ৰভাৱ পেলাব৷ ২৫ত মীন ৰাশি এৰিব ৰাহুৱে৷ আকৌ মীন ৰাশিতেই আহিব শনিও৷ ইয়াৰ ফলত নানান অভিজ্ঞতাৰ মাজেৰে পাৰ হ’ব মীন ৰাশিৰ জাতক৷ শনিৰ চাড়ে চাতিৰ দ্বিতীয় পৰ্যায় আৰম্ভ হ’ব মীন ৰাশিত জাতকৰ জীৱনত৷ অন্যহাতে ৰাহুৰ প্ৰভাৱত নানান চেলেঞ্জৰ মুখত পৰিব আপুনি৷ বুদ্ধি খটুৱাই কাম নকৰিলে আপুনি বিপদত পৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
