ৰিচাৰ্জৰ দাম বঢ়াকলৈ অতিষ্ট হৈ আছে জনসাধাৰণ৷ মাহেকীয়া ৰিচাৰ্জৰ খৰচ যোগাৰ কৰিবলৈ গৈ মূৰৰ ঘাম মাটিত পেলাইছে বহুজনে৷ এই পৰিস্থিতিত বহুতেই বিকল্প হিচাপে বাছি লৈছে বিএছএনএল৷ এইবাৰ ধামাকা ৰিচাৰ্জ প্লেন আনিছে বিএছএনএলে৷
সম্প্ৰতি ৰিলায়েন্স জিঅ’, এয়াৰটেল, ভোডাফোন আইডিয়াকে ধৰি আটাইবোৰৰেই দাম বাঢ়িছে৷ এইক্ষেত্ৰত ব্যতিক্ৰম বিএছএনএল৷ চৰকাৰী এই টেলিকম সংস্থাই এটকাও দাম বঢ়োৱা নাই৷ বিএছএনএলে একাধিক সস্তাৰ প্লেন আগবঢ়াইছে৷ তাৰমাজতেই অন্যতম এটা হৈছে ১৬০দিনৰ ৰিচাৰ্জ প্লেন৷ যাৰ দাম ৯৯৭ টকা৷
কি কি পৰিসেৱা পাব?
এই প্লেনত দৈনিক ২ জিবি ডাটা, ১০০ এছএমএছ আৰু ফ্ৰী কলিংৰ সুবিধা পোৱা যাব৷ ইয়াৰোপৰি অতিৰিক্ত ৩২০ জিবি ডাটাও পাব৷ প্ৰতিদ্বন্দী সংস্থাসমূহৰ সৈতে যদি তুলনা কৰা হয় তেন্তে জিঅ’ৰ এটা ৰিচাৰ্জ প্লেন আছে, যাৰ দাম ৯৯৯টকা৷ এই ৰিচাৰ্জ প্লেনত দৈনিক ২জিবি ডাটা, দৈনিক ১০০টা এছ এম এছ আৰু ফ্ৰী কলিঙৰ সুবিধা পোৱা যাব৷
এই দুই প্লেনৰ দামৰ পাৰ্থক্য মাত্ৰ ২টকা৷ জিঅ’ই য’ত ৯৯৯টকাত ৯৮ দিন বৈধতা দিছে তাতেই ৯৯৭ টকাত ১৬০দিন বৈধতা দিছে বিএছএনএলে৷ জিঅ’ৰ তুলনাত বিএছএনএলে ১২৮ জিবি বেছি ডাটাও দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
