ডিচেম্বৰ মাহত বাংলাদেশৰ প্ৰাক্তন প্ৰধানমন্ত্ৰী শ্বেখ হাছিনাই দেশলৈ আহিব পাৰে। এই ঘোষণাক লৈ ৰাজনৈতিক দলসমূহৰ তীব্ৰ প্ৰতিক্ৰিয়াৰ সৃষ্টি হৈছে। একাংশ দলে তেওঁৰ ন্যায়ৰ সন্মুখীন হ’বলৈ দাবী জনোৱাৰ বিপৰীতে আন কিছুমানে বৃহত্তৰ ৰাজনৈতিক ষড়যন্ত্ৰৰ অভিযোগ উত্থাপন কৰিছে। নেশ্যনেল চিটিজেনছ পাৰ্টিয়ে ঘোষণা কৰিছে যে শ্বেখ হাছিনা যদি দেশলৈ ঘূৰি আহে তেন্তে তেওঁক মৃত্যুদণ্ডৰ শাস্তি প্ৰদান কৰা হ’ব।
ৰয়টাৰৰ সৈতে হোৱা এক সাক্ষাৎকাৰত শ্বেখ হাছিনাই দাবী কৰে যে তেওঁ বৰ্তমান ভাৰতত আশ্ৰয় লৈ থকা দলৰ নেতা-কৰ্মীসকলৰ সৈতে ডিচেম্বৰ মাহত বাংলাদেশলৈ উভতি যোৱাৰ পৰিকল্পনা কৰিছে। লগতে কয় যে তেওঁলোকে কৰ্তৃপক্ষৰ ওচৰত আত্মসমৰ্পণৰ কথা চিন্তা কৰিছে।
বাংলাদেশৰ আউটলেট প্ৰথম আলোৰ তথ্য অনুসৰি এন চি পিৰ আহ্বায়ক নাহিদ ইছলামে কয় যে শ্বেখ হাছিনা বাংলাদেশলৈ উভতি আহিব পাৰে কেৱল মৃত্যুদণ্ডৰ ফাঁচীৰ সন্মুখীন হ’ব পাৰে।
তেওঁ কয়, “শ্বেখ হাছিনা যদি বাংলাদেশলৈ উভতি আহে, তেন্তে সেয়া কেৱল মৃত্যুদণ্ডৰ বাবে হ’ব লাগে। আমি বিচাৰো যে এই শাস্তি কেৱল শ্বেখ হাছিনাৰ বিৰুদ্ধে নহয়, এনে শাস্তি পোৱা প্ৰতিজন ব্যক্তিৰ বিৰুদ্ধেও পালন কৰা হওক।”
শ্বেখ হাছিনাক ঘূৰাই আনিব লাগে
তেওঁ কয়, “ইতিমধ্য বাংলাদেশত ৰায়দান কৰা হৈছে। এতিয়া এই চৰকাৰৰ দায়িত্ব হৈছে যে উপযুক্ত কূটনৈতিক আৰু আইনী মাধ্যমেৰে গণহত্যাৰ দোষীক ঘূৰাই আনি শাস্তি বলবৎ কৰা।”
নাহিদ ইছলামে কয়, “কেনেকৈ ঘূৰি আহিব সেয়া শ্বেখ হাছিনাৰ ওপৰত নিৰ্ভৰশীল নহয়। আনৰ লগত আহিব নে নাহে, আত্মসমৰ্পণ কৰিব নে নাহিব, সেয়া বাংলাদেশ চৰকাৰৰ ওপৰত নিৰ্ভৰশীল। এই বিষয়টো নতুন দিল্লীৰ সৈতে আলোচনা কৰিব লাগে; আন কোনো পক্ষ জড়িত নহয়। চৰকাৰে সিদ্ধান্ত ল’ব যে তেওঁক কেতিয়া ঘূৰাই আনিব, কেনেকৈ ঘূৰাই আনিব, আৰু আদালতৰ সিদ্ধান্ত কেনেকৈ কাৰ্যকৰী কৰিব। সকলো প্ৰস্তুতিৰ পিছতহে তেওঁক ঘূৰাই অনা উচিত বনাইছিল।”
বিএনপিয়ে ক’লে – ৰাজনৈতিক ষড়যন্ত্ৰ
ইফালে, ২০২৪ চনৰ জুলাই মাহত সংঘটিত হোৱা বৃহৎ বিদ্ৰোহৰ সময়ত হোৱা হ ত্যাকাণ্ডৰ ওপৰত চলি থকা বিচাৰৰ উদাহৰণ দি বিএনপিৰ এজন জ্যেষ্ঠ নেতাই কয় যে হাছিনাৰ এই বক্তব্য কোনো লুকাই থকা ৰাজনৈতিক এজেণ্ডা বা ষড়যন্ত্ৰৰ সৈতে জড়িত হ’ব পাৰে।
বিএনপিৰ জ্যেষ্ঠ যুটীয়া সচিব প্ৰধান ৰুহুল কবীৰ ৰিজৱীয়ে কয় যে হাছিনাৰ বিৰুদ্ধে ইতিমধ্যে আইনী প্ৰক্ৰিয়া চলি আছে। ২০২৪ চনৰ জুলাইৰ বিদ্ৰোহৰ সময়ত গণহত্যাৰ সৈতে জড়িত গোচৰত ইতিমধ্যে ঢাকাৰ আদালতে শ্বেখ হাছিনাক মৃত্যুদণ্ডৰ শাস্তি প্ৰদান কৰিছে। আন কেইবাটাও হত্যাকাণ্ডৰ গোচৰতো বিচাৰ চলি আছে। হাছিনাৰ অপৰাধমূলক দায়িত্ব নিৰ্ধাৰণ কৰাটো আদালতৰ ওপৰত নিৰ্ভৰ কৰিব বুলিও কয়।
বাংলাদেশ জামাত-ই-ইছলামীৰ নেতাসকলে কয় যে হাছিনাৰ এই ঘোষণা বৃহত্তৰ ৰাজনৈতিক ষড়যন্ত্ৰৰ অংশ হ’ব পাৰে। জামাতৰ সচিব প্ৰধান মিয়া গুলাম পাৰৱাৰে কয় যে এই বিবৃতিত “এটা আভ্যন্তৰীণ গোপনীয়তা আৰু ষড়যন্ত্ৰ” লুকুৱাই ৰখা হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
