অসম লাইভ ২৪ঃ ‘লুঙি পিন্ধিলে কি অমংগল হয়? লুঙী আৰামৰ বাবে পিন্ধা কাপোৰ। লুঙী পিন্ধিলেই তুচ্ছ তাচ্চিল্য কৰা বন্ধ হ’ব লাগে।’ অৱশেষত লুঙীক লৈ মুখ খুলিছে বাঘবৰ সমষ্টিৰ বিধায়ক শ্বেৰমান আলী আহমেদে।
শ্বেৰমান আলীয়ে তেওঁৰ মন্তব্যত কয়, ‘হয়, মই মিঞা আৰু অসমৰেই এজন স্বাভিমানী অসমীয়া। লণ্ডনত লুঙী পিন্ধি প্ৰতিকী প্ৰতিবাদ সাব্যস্ত কৰিছিলো। লুঙী পিন্ধিলেই তুচ্ছ তাচ্চিল্য কৰা বন্ধ হ’ব লাগে।’
উল্লেখ্য যে বাঘবৰ সমষ্টিৰ বিধায়কগৰাকীয়ে লণ্ডনত লুঙী পিন্ধি গান্ধীজিক শ্ৰদ্ধা জনোৱাৰ ভিডিঅ’ সামাজিক মাধ্যমত ভাইৰেল হৈ পৰিছিল। ভাইৰেল ফটোখনক লৈ বহুতেই বিভিন্নধৰণে মন্তব্যও কৰিছিল। সকলো মন্তব্যৰ প্ৰত্ত্যুত্তৰত বিধায়কগৰাকীয়ে কয় যে, লণ্ডনত লুঙী পিন্ধি গান্ধীজীক শ্ৰদ্ধা জনোৱাটো কোনো অসন্মানৰ কথা নহয়। মিঞা জনগোষ্ঠীয়ে অসমীয়া সংস্কৃতি গ্ৰহণ কৰিছে, মিঞা অসমীয়াৰেই অবিচ্ছেদ্য অংগ। যদি কোনোবা বাংলাদেশী আছে তেন্তে পঠিয়াই দিব লাগে। আমাৰ মনবোৰ ইমান সংকীৰ্ণ কিয়? মনবোৰ অলপ বহল কৰিব লাগিব।
ইপিনে ভূপেন বৰাই বিজেপিৰ কাৰ্যালয়ক লৈ দিয়া মন্তব্যক লৈও মুক খুলিছে বিধায়কগৰাকীয়ে। ভূপেন বৰাই কংগ্ৰেছৰ চৰকাৰ আহিলেই বিজেপিৰ কাৰ্যালয় ভাঙিম বুলি কৰা মন্তব্যই ভূপেন বৰাকহে তৰল কৰিছে। এইদৰে মন্তব্য কৰাতকৈ কংগ্ৰেছেও ভাল কাৰ্যালয় বনাওক। যদি বিজেপিক হৰুৱাব লাগে তেন্তে সকলো বিৰোধী একগোট হ’ব লাগিব। ২০২৪-ত যদি কংগ্ৰেছ AIUDF-ৰ মিত্ৰতা নহয় তেন্তে অসমত কংগ্ৰেছ শূণ্য হ’ব বুলিও মন্তব্যত প্ৰকাশ কৰিছে বিধায়ক শ্বেৰমান আলী আহমেদে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
