অসম লাইভ২৪ঃ অৱশেষত বিচ্ছেদ! ২০২১ চনৰ পৰাই আৰম্ভ হৈছিল ভাঙোন। ২০২১ চনটো অত্যন্ত জটিল আছিল অভিনেত্ৰী শিল্পা চেট্টী আৰু স্বামী ৰাজ কুন্দ্ৰাৰ বাবে। পৰ্ণগ্ৰাফি কাণ্ডত ৰাজ কুন্দ্ৰা গ্ৰেপ্তাৰ হোৱাৰ পাছত জামিনত মুক্তি লাভ কৰে। মুক্তিৰ পাছৰে পৰাই জনসমাজত মুখ লুকুৱাই ফুৰিছে ৰাজ কুন্দ্ৰাই। কিন্তু সম্প্ৰতি এখন ছবিত মুখ্য চৰিত্ৰৰ ভূমিকাত অভিনয় কৰাৰ কথা নিজেই জনাইছে ৰাজ কুন্দ্ৰাই। সেই ছবিৰ প্ৰচাৰত গৈ ৰাজ কুন্দ্ৰাই মাস্কো খুলিছে। নৱেম্বৰত ৰাজ কুন্দ্ৰা অভিনিত ছবিখনে মুক্তিলাভ কৰিব। কিন্তু তাৰ পূৰ্বেই এক্স হেণ্ডেলত ৰাজ কুন্দ্ৰাই দিয়া এক বাৰ্তাই সকলোকে আচৰিতো কৰি তুলিছে।
ৰাজ কুন্দ্ৰাই ছবি মুক্তিৰ পূৰ্বেই লিখিছে শিল্পা আৰু তেওঁৰ বিচ্ছেদ হৈছে। ৰাজে লিখিছে, ‘আমাৰ বিচ্ছেদ হৈছে। এই কঠিন সময়ত আমাৰ কাষত থকাৰ বাবে সকলোকে অনুৰোধ জনাইছো।’ সামাজিক মাধ্যমত ৰাজৰ এই বাৰ্তাৰ পাছতেই সামাজিক মাধ্যমত উত্থাপিত হৈছে প্ৰশ্ন, কাৰ সৈতে বিচ্ছেদ হোৱাৰ কথা কৈছে শিল্পাৰ স্বামীয়ে। জল্পনা তৈয়াৰ হৈছে, শিল্পা আৰু ৰাজৰ ১৪ বছৰৰ দাম্পত্য জীৱনৰ ইতি পৰিব? যদিও এই বিষয়ে ৰাজে কোনো কথাই স্পষ্টকৈ জনোৱা নাই। ৰাজৰ এই বাৰ্তাক গুৰুত্ব নাই শিল্পাৰ অনুৰাগীয়েও।
সংশ্লিষ্ট মহলৰ একাংশৰ দাবী যে, আসন্ন ছবি প্ৰচাৰৰ বাবেই এই বাৰ্তা দিছে ৰাজ কুন্দ্ৰাই। ৰাজৰ আসন্ন ছবিখনৰ নাম ‘ইউটি ৬৯’। ছবিখনত ৰাজে এজন কাৰাবন্দী ব্যৱসায়ীৰ চৰিত্ৰত অভিনয় কৰিছে। বহুতৰে ধাৰণা যে এই ছবি প্ৰচাৰৰ বাবেই তেওঁ বিচ্ছেদৰ কথা জনাইছে। উল্লেখ্য যে ২০২১ চনত পৰ্ণগ্ৰাফীৰ গোচৰত মুম্বাই আৰক্ষীয়ে গ্ৰেপ্তাৰ কৰিছিল ৰাজ কুন্দ্ৰাক। সেই সময়ত আৰ্থাৰ ৰোড কাৰাগাৰত প্ৰায় দুমাহ কটাইছিল ৰাজ কুন্দ্ৰাই। সেই কাহিনীকেই ছবিখনৰ জৰিয়তে তুলি ধৰিছে ৰাজ কুন্দ্ৰাই। সেই বিষয়টোক লৈয়েই সামাজিক মাধ্যমত এই পোষ্ট কৰিছে বুলি বহুসংখ্যক লোকেই চৰ্চা চলোৱাও পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
