ৰং পঞ্চমী- কালি এইদৰে ভগৱান শিৱৰ অভিষেক কৰক, মনে বিচৰা বৰদান লাভ কৰক
চত মাহৰ কৃষ্ণ পক্ষৰ পঞ্চম দিনা সমগ্ৰ দেশতে প্ৰতিবছৰে ৰং পঞ্চমী উৎসৱ পালন কৰা হয়। চলিত বৰ্ষত এইবাৰ ৰং পঞ্চমী ৩০ মাৰ্চ কাইলৈ পৰিছে। ধৰ্মীয় বিশ্বাস অনুসৰি, ৰং পঞ্চমী তিথিত দেৱ-দেৱী পৃথিৱীলৈ নামি আহে।
এইবাৰ এই ৰং পঞ্চমী তিথিত সিদ্ধি যোগকে ধৰি বহু শুভ ঘটনা সংঘটিত হৈছে। এই যোগবোৰত ভগৱান শিৱক পূজা কৰি মনে বিচৰা ফল লাভ কৰিব পাৰে। ৰং পঞ্চমীৰ দিনা নিয়ম অনুসৰি জলাভিষেক কৰিলে শিৱ সন্তুষ্ট হয়।
জ্যোতিষী শাস্ত্ৰৰ মতে,ৰং পঞ্চমীৰ দিনা ৰবি যোগ আৰু সিদ্ধি যোগ পৰিছে। গোটেই দিনটো ৰবি যোগ। একে সময়তে নিশা ১০.৪৭ বজালৈ সিদ্ধি যোগ। এই সময়ত সন্ধিয়া ০৯.১৩ বজালৈকে নন্দীৰ ওপৰত বহি থাকিব ভগৱান শিৱ।
শিৱ পুৰাণত উল্লেখ আছে যে নন্দীত আৰোহণ কৰাৰ সময়ত ভগৱান শিৱক অভিষেক কৰিলে সকলো কামনা পূৰণ হয়। সুখ, সৌভাগ্য আৰু উপাৰ্জনো বৃদ্ধি পায়। ইয়াৰ বাবে পুৱা স্নান আৰু ধ্যান কৰাৰ পিছত ৰীতি-নীতি অনুসৰি ভগৱান শিৱৰ জলাভিষেক বা ৰুদ্ৰাভিষেক কৰিব লাগিব।
সনাতন শাস্ত্ৰত আছে যে ভগৱান শিৱ কেৱল জলাভিষেকৰ দ্বাৰাই সন্তুষ্ট হয়। গতিকে গংগা পানী, সাধাৰণ পানী, কেঁচা গাখীৰ, পঞ্চমৃত আদি বস্তুৰে ভগৱান শিৱক অভিষেক কৰিব পাৰে। ইয়াৰ বাহিৰেও গৰুৰ গাখীৰ আৰু মৌৰ পৰা তৈয়াৰী বিশুদ্ধ ঘিউৰে ভগৱান শিৱক অভিষেক কৰিব পাৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
