১৭ বছৰতে ২ সন্তানৰ মাতৃ, অভিনয়ৰ ওৰেটো জীৱন ওৰণিৰ তলতে কটোৱা এগৰাকী অভিনেত্ৰী, স্বামীতকৈয়ো লাভ কৰিছিল অধিক পাৰিশ্ৰমিক
বলীউডৰ অন্যতম জনপ্ৰিয় ছবি ‘শ্বোলে’ৰ প্ৰতিটো চৰিত্ৰই নিজৰ প্ৰকৃত নামৰ পৰিৱৰ্তে পৰ্দাত থকা নামেৰে অধিক বিখ্যাত হৈ পৰিছিল। ইয়াৰে এটা চৰিত্ৰ হৈছে অভিনেত্ৰী লীলা মিশ্ৰ, যিয়ে ছবিখনত বসন্তীৰ মাহী তথা মৌশী চৰিত্ৰত অভিনয় কৰিছিল। ১৯০৮ চনৰ ১ জানুৱাৰীত আগ্ৰাত জন্মগ্ৰহণ কৰা লীলা মিশ্ৰই ৪ দশক ধৰি দীঘলীয়া কেৰিয়াৰত বহু ছবিত কাম কৰিছিল। অৱশ্যে শ্বোলেত মৌশী ভূমিকাত যি স্বীকৃতি পাইছিল সেয়া আন কোনো ভূমিকাৰ পৰা নাছিল।
কেৰিয়াৰত ২০০ৰো অধিক ছবিত কাম কৰা লীলা মিশ্ৰই ৪০ৰ দশকৰ পৰাই নিজৰ কেৰিয়াৰ আৰম্ভ কৰিছিল। ১৯৪১ চনত মুক্তি পোৱা তেওঁৰ প্ৰথম ছবি চিত্ৰলেখা। লীলা মিশ্ৰক বিচাৰি উলিয়াইছিল দাদাচাহেব ফাল্কেৰ লগত জড়িত মামা শিণ্ডে নামৰ এজন ব্যক্তিয়ে।
লীলা মিশ্ৰৰ মাত্ৰ ১২ বছৰ বয়সতে ৰাম প্ৰসাদ মিশ্ৰৰ সৈতে বিবাহপাশত আবদ্ধ হৈছিল। ১৭ বছৰ বয়সলৈকে দুগৰাকী কন্যা সন্তানৰ মাতৃ হৈ পৰিছিল লীলা। ঘৰৰে কাম কৰিম বুলি ভাবিছিল যদিও স্বামী অভিনয়ৰ প্ৰতি আকৰ্ষিত আছিল আৰু বহু নাটকত কাম কৰিছিল, যাৰ বাবে পত্নীকো লৈ যায় সেই অভিনয় জগতলৈ।
সেই সময়ত লীলা মিশ্ৰৰ স্বামী ৰাম প্ৰসাদ চিনেমাত অভিনয়ৰ কৰাৰ ইচ্ছাৰে বানাৰসৰ পৰা মুম্বাইলৈ আহিছিল। লীলাও আহে লগতে। যিহেতু সেই সময়ছোৱাত মহিলা শিল্পীৰ অভাৱ আছিল আৰু সেয়েহে মহিলাসকলক পুৰুষৰ তুলনাত অধিক ধনৰ প্ৰস্তাৱ দিয়া হৈছিল।
এনে পৰিস্থিতিত লীলাৰ স্বামীয়ে মাহে ১৫০ টকা পোৱাৰ বিপৰীতে লীলা মিশ্ৰক ‘সতী সুলোচনা’ ছবিৰ বাবে মাহে ৫০০ টকাৰ প্ৰস্তাৱ দিয়া হৈছিল। কিন্তু সেই সময়ত মহিলাসকলে অভিনয়ৰ ক্ষেত্ৰখনত প্ৰৱেশ কৰাটো ভাল বুলি বিবেচিত হোৱা নাছিল।
অৱশ্যে লীলাই যেতিয়া চলচ্চিত্ৰ জগতত কাম কৰাৰ ধৰণ দেখিলে, তেতিয়া তেওঁ আচৰিত হ’ল। তেওঁ দেখিলে যে কেনেকৈ মহিলাসকলে নিজৰ শৰীৰটো আন পুৰুষৰ দ্বাৰা স্পৰ্শ কৰি আছে। এনে পৰিস্থিতিত লীলাৰ বাবে কোনো অচিনাকি মানুহৰ লগত বাহু হাত ধৰি ৰোমাঞ্চৰ দৃশ্য শ্বুটিং কৰাটো সম্ভৱ নহ’ল আৰু তেঁও সেই প্ৰস্তাৱ নাকচ কৰে।
একেদৰে লীলাই ‘হোনহাৰ’ ছবিৰ অভিনেতাজনক সাৱটি ধৰাৰ দৃশ্যটো কৰিব লগা হৈছিল যদিও সেই কামটো কৰিবলৈ অস্বীকাৰ কৰিছিল। যিহেতু সেই যুগত মহিলা অভিনেতা বিচাৰি পোৱাটো কঠিন আছিল, সেয়েহে তেওঁক অভিনেতাগৰাকীৰ মাতৃৰ চৰিত্ৰ দিয়া হৈছিল। ইয়াৰ পিছত লীলা এই ভূমিকা পালন কৰিবলৈ সাজু হৈছিল।
লীলা মিশ্ৰই কেৰিয়াৰত কৰা কেইখনমান ছবি- আনমোল গাদী, ৰামবন, শ্বীশমহল, আৱৰা, ডাগ, আন্ধিয়ান, ছিকস্ত, প্যাছা, লাজৱন্তী, কলেজ গাৰ্ল, শ্বোলে, নেত্ৰী, দস্তী, পহেলী, চাচমে বদ্দুৰ, অমৰ প্ৰেম, পৰিচয়, সৌদাগৰ, মা কা আঞ্চল , জয় সন্তোষী মা, বৈৰাগ আৰু প্ৰেম ৰোগৰ আদি।
১৯৮৮ চনৰ ১৭ জানুৱাৰীত ৮০ বছৰ বয়সত হাৰ্ট এটেকত আক্ৰান্ত হৈ মৃত্যু হয় লীলা মিশ্ৰৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
