আকৌ এবাৰ ভাঙিল বিশ্বকাপ জয়ৰ সপোন, পাকিস্তানৰ পৰাজয়ৰ লগে লগে বাহিৰ ভাৰতীয় দল, কিদৰে !
২০২৪ ৰ মহিলা বিশ্বকাপৰ খেল বৰ্তমানে ডুবাইত চলি আছে। মুঠ ১০ দেশে অংশগ্ৰহণ কৰা এই প্ৰতিযোগিতা খনৰ পৰা বাহিৰ ৫ টা দল। এই ৫ টা দলৰ ভিতৰত আছে ভাৰতীয় মহিলা ক্ৰিকেট দলটোৰো নাম। পাকিস্তানৰ পৰাজয়ৰ লগে লগে আকৌ এবাৰ সপোন ভাঙি যায় ভাৰতীয় দলটোৰ।
পাকিস্তানৰ খেলখনৰ ওপৰতে শেষ ভৰসা আছিল ভাৰতীয় দলটোৰ, পাছে পাকিস্তানৰ পৰাজয়ৰ লগে লগে ভাৰতীয় দলটোৰ আশা-সপোন সকলো চুৰমাৰ হৈ পৰে। গ্ৰপ পৰ্যায়ৰে পৰাই বাহিৰ হয় দলটো। পাকিস্তানৰ বিৰুদ্ধে নিউজিলেণ্ড দল জয়ী হোৱাত ভাৰত পিছ পৰি যায়। পূৰ্বে ভাৰত-নিউজিলেণ্ডে সমান সমান পইণ্টত আছিল।
২০২৪ চনৰ মহিলা টি-২০ বিশ্বকাপত ১০ টা দলক দুটা গ্ৰুপত ভাগ কৰা হৈছিল। গ্ৰুপ এত অষ্ট্ৰেলিয়া, নিউজিলেণ্ড, ভাৰত, পাকিস্তান আৰু শ্ৰীলংকাৰ দল। আনহাতে গ্ৰুপ বিত ইংলেণ্ড, দক্ষিণ আফ্ৰিকা, ৱেষ্ট ইণ্ডিজ, বাংলাদেশ আৰু স্কটলেণ্ড। ১৭ অক্টোবৰৰ পৰা অনুষ্ঠিত হ’ব ছেমি ফাইনেল মেচ।
এই পৰ্যন্ত ২০২৪ চনৰ মহিলা টি-২০ বিশ্বকাপৰ পৰা ভাৰত, পাকিস্তান, শ্ৰীলংকা, বাংলাদেশ আৰু স্কটলেণ্ডৰ দল বাহিৰ হৈছে। এই প্ৰতিযোগিতাত এছিয়াৰ চাৰিখন দেশ আছিল আৰু এতিয়া আটাইকেইখনেই ছেমি ফাইনেলৰ দৌৰৰ পৰা বাহিৰ। ১৭ অক্টোবৰৰ পৰা অনুষ্ঠিত হ’ব মহিলা টি-২০ বিশ্বকাপৰ ছেমি ফাইনেল। অহা ২০ অক্টোবৰত ডুবাইত অনুষ্ঠিত হ’ব ফাইনেল।
ইতিমধ্যে দুয়োটা গ্ৰুপৰ পৰা দুটাকৈ দলে ছেমি ফাইনেলত প্ৰৱেশ কৰিব। গ্ৰুপ এৰ পৰা অষ্ট্ৰেলিয়া আৰু নিউজিলেণ্ডে ছেমি ফাইনেলত প্ৰৱেশ কৰিছে। গ্ৰুপ বিৰ কথা ক’বলৈ গ’লে ইয়াত ছেমি ফাইনেলৰ দৌৰ অতি ৰোমাঞ্চকৰ। এতিয়ালৈকে এই গ্ৰুপৰ কোনো দলেই ছেমি ফাইনেলৰ টিকট নিশ্চিত কৰিব পৰা নাই। ইংলেণ্ড দলটোৱে তিনিখন খেল খেলি আটাইকেইখন খেলতে জয়লাভ কৰিছে। আনহাতে দক্ষিণ আফ্ৰিকাই চাৰিখন মেচ খেলিছে, ইয়াৰে তিনিখন খেলত জয়লাভ কৰিছে। তিনি নম্বৰ স্থানত থকা ৱেষ্ট ইণ্ডিজে তিনিখন মেচ খেলি দুখন মেচত জয়লাভ কৰিছে। এতিয়া ইংলেণ্ড আৰু দক্ষিণ আফ্ৰিকাৰ মাজৰ খেলখনেই ছেমি ফাইনেলৰ শেষৰ দুটা দলৰ সিদ্ধান্ত ল’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
