বিবাহৰ ঠিক দুবছৰ পাছতেই সুখবৰ দিছে কিয়াৰা আদোৱানী আৰু সিদ্ধাৰ্থ মলহোত্ৰা৷ এইবাৰ ২ৰ পৰা ৩ জন হ’বলৈ আগবাঢ়িছে সিদ্ধাৰ্থ আৰু কিয়াৰা৷ সামাজিকমাধ্যমত এটা পোষ্ট শ্বেয়াৰ কৰি তাৰকা দম্পতিয়ে জনাইছে যে তেওঁলোকৰ সংসাৰলৈ নতুন সদস্য আহিছে৷
সিদ্ধাৰ্থ আৰু কিয়াৰা দুয়োৰে হাতৰ ওপৰত দুপাত বগা জোতা ৰাখি শ্বেয়াৰ কৰিছে এই পোষ্ট৷ এনেকৈয়ে সন্তানৰ আগমনৰ ইংগিত দিছে তাৰকা দম্পতিয়ে৷ ইয়াৰ সৈতে লিখিছে, ‘আমাৰ জীৱনৰ এয়া শ্ৰেষ্ঠ উপহাৰ৷ শীঘ্ৰেই আহি আছে৷’ পোষ্টটি ভাইৰেল হৈ পৰাৰ পাছতেই বহুতেই শুভেচ্ছাবাৰ্তাৰে ভৰাই দিছে দুয়োকে৷ বলীউডৰ একাধিক তাৰকাই তেওঁলোকক শুভেচ্ছা জনাইছে৷
উল্লেখ্য যে ২০২৩ চনৰ ৭ ফেব্ৰুৱাৰীত বিবাহপাশত আৱদ্ধ হৈছিল সিদ্ধাৰ্থ আৰু কিয়াৰা৷ একাধিক সাক্ষাৎকাৰত নিজৰ সম্পৰ্কক লৈ মন্তব্য কৰিছিল কিয়াৰাই৷ সিদ্ধাৰ্থৰ বাবেই ঘৰলৈ আহি ভাল লাগে বুলিও বিভিন্ন সাক্ষাৎকাৰত তেওঁ জনাইছিল৷ কিয়াৰাই কৈছিল, ‘তেওঁ সৈতে থাকিলে এনে লাগে যেন মই ঘৰতেই আছো৷ স্থান য’তেই নহওক কিয়৷ মই য’ত ডাঙৰ হৈছো তাতো ভালপোৱা আৰু আদৰ পাইছো৷ একেই ভালপোৱাই মোক সিদ্ধাৰ্থই দিছে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
