লিভাৰ হৈছে আমাৰ শৰীৰৰ সকলোতকৈ গুৰুত্বপূৰ্ণ অংগসমূহৰ মাজত এটা৷ সেয়ে চেষ্টা কৰিব লিভাৰৰ স্বাস্থ্যৰ দিশত নজৰ দিয়ক৷ অন্যথা শৰীৰ আৰু স্বাস্থ্য বেয়া হৈ পৰিব পাৰে৷ ফেটি লিভাৰৰ পৰা আৰম্ভ কৰি লিভাৰ চিৰোছিছৰ দৰে একাধিক জটিল অসুখ হ’ব পাৰে৷ সেয়ে চেষ্টা ৰাখক যাতে তেনে প্ৰকাৰণৰ লিভাৰ ডিজিজৰ পৰা দূৰত থাকে৷
এই বিষয়টোক লৈ চিন্তা কৰি লাভ নাই৷ কাৰণ কেইবাটাও সহজ নিয়ম মানি চলিলে অনায়াসে লিভাৰৰ অসুখৰ পৰা দূৰত্ব বজাই ৰাখিব পাৰিব৷ সময় নষ্ট নকৰি সকলো নিয়ম সম্পৰ্কে বিশদভাৱে জানি থওক৷ কি কি কাম কৰিলে আপোনাৰ লিভাৰ সুস্থ থাকিব?
ওজন কমাওক
মনত ৰাখিব, ওজন স্বাভাৱিকৰ পৰা বেছি হ’লেই বিপদ৷ সেইক্ষেত্ৰত একাধিক জটিল অসুখে শৰীৰক অশান্তি দিব পাৰে৷ এই তালিকাত লিভাৰ ডিজিজো আছে৷ সেয়ে আজিৰ পৰা ওজন কমোৱাত মন দিয়ক৷ এই কামত সাফল্য পাবলৈ প্ৰথমেই ফাষ্টফুড খোৱাৰ অভ্যাস ত্যাগ কৰক৷ ঘৰতো পাতল খাদ্য খাওক৷ ইয়াৰোপৰি প্ৰতিদিনে এক্সাৰচাইজ কৰাটো জৰুৰী৷ এনেকৈ নিজা ৰুটিন সলনি কৰি ল’লেই আপোনাৰ ওজন কমাটো খাটাং৷
মদ্যপান নকৰিব
সুৰাই সৰ্বনাশ কৰে লিভাৰৰ৷ এই পানীত চুমুক দিলে শৰীৰ আৰু স্বাস্থ্য নষ্ট হয়৷ বিশেষকৈ লিভাৰৰ ক্ষয়ক্ষতি হোৱাৰ আশংকা বাঢ়ে৷ বিপদত পেলাব আপৰে এলকোহোলিক ফেটি লিভাৰ ডিজিজে৷ সেয়ে চেষ্টা কৰক মদ্যপান যিমান সম্ভৱ এৰাই চলক৷ ইয়াৰ সলনি প্ৰতিদিনে পৰ্যাপ্ত পৰিমানে পানী খাওক৷ ফলত লিভাৰত জমা হৈ থকা টক্সিন শৰীৰৰ পৰা বাহিৰলৈ ওলাই আহে৷ আপোনাক বিপদত নেপেলায়৷ আজিৰে পৰাই এই নিয়ম মানি চলক৷
ফাষ্টফুড এৰক
আজিকালি বহুতেই ফাষ্টফুডৰ প্ৰেমত পাগল৷ নহ’লে তেওঁলোকৰ দিন পাৰ নহয়৷ এই সকলোবোৰ অভ্যাস থাকিলে আপোনাৰ লিভাৰ নষ্ট হ’ব খাটাং৷ এই ধৰণৰ খাদ্য শৰীৰৰ বাবে মুঠেও উপাদেয় নহয়৷ এই ধৰণৰ খাদ্য নিয়মিত খালে একাধিক জটিল ৰোগ হ’ব পাৰে৷ চেষ্টা কৰক ফাষ্টফুড এৰিবলৈ৷ তেতিয়া যকৃত সুস্থ সৱল থাকিব খাটাং৷
ব্যায়াম কৰক
অলস জীৱনযাপনৰ বাবেই শৰীৰত ৰোগে বাহ বান্ধে৷ ইয়াৰ ফলত শৰীৰত একাধিক জটিল ৰোগৰ আশংকা বাঢ়ে৷ আনকি লিভাৰ ডিজিজৰ সম্ভাৱনাও বহু পৰিমাণে বাঢ়ি যায়৷ এই অলস জীৱন কটোৱাৰ অভ্যাস ত্যাগ কৰক৷ ইয়াৰ পৰিবৰ্তে নিয়মিত ব্যায়াম কৰক৷ এই ক্ষেত্ৰত জিম গ’লেও উপকাৰ পাব৷ জীম নোযোৱাসকলে ঘৰত ফ্ৰি হেণ্ড এক্সাৰচাইজ কৰিব পাৰে৷ ফ্ৰি হেণ্ড এক্সাৰছাইজতো অনীহা থাকিলে খোজ কাঢ়ক৷ এই কেইটা নিয়ম মানি আপুনিও এক সুস্থ শৰীৰৰ অধিকাৰী হ’ব পাৰে৷
নিয়মিত চেপআপ জৰুৰী
যকৃতৰ স্বাস্থ্য ঠিকে আছেনে সেয়া বুজিবলৈ লিভাৰৰ ফাংছন টেষ্ট বা এলএফটি কৰক৷ যদি লিভাৰ এনজাইমসমূহৰ মাত্ৰা স্বাভাৱিক থাকে তেন্তে চিন্তাৰ কাৰণ নাই৷ লিভাৰ এনজাইমৰ মাত্ৰা বাঢ়ি গলেই দ্ৰুত চিকিৎসকৰ পৰামৰ্শ লওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
