অসম লাইভ ২৪ঃ আজি দৃশ্যমান হ’ব ২০২১ বৰ্ষৰ প্ৰথমটো সূৰ্যগ্ৰহণ৷ ভাৰতত আংশিকভাৱে প্ৰভাৱ পৰিব সূৰ্যগ্ৰহণৰ৷ বৃহস্পতিবাৰে দিনৰ ১.৪২ বজাৰ পৰা আৰম্ভ হৈ সন্ধিয়া ৬.৪১ বজাত সমাপ্ত হ’ব৷ এয়া বৰ্ষটোৰ প্ৰথমটো বলয়গ্ৰাস সূৰ্যগ্ৰহণ য’ত চন্দ্ৰই পৃথিৱীক প্ৰায় সম্পূৰ্ণৰূপে গ্ৰাস কৰিব৷ সূৰ্যৰ ৯৪% গ্ৰাস কৰিব চন্দ্ৰই৷ কেৱল সূৰ্যৰ বাহিৰৰ দৃশ্যহে দৃশ্যমান হ’ব৷ অৱশ্যে উত্তৰ কানাডা, গ্ৰীণলেণ্ড আৰু ৰাছিয়াত সম্পূৰ্ণ প্ৰভাৱ পৰিব এই গ্ৰহণৰ৷ ৫ ঘণ্টা ধৰি অব্যাহত থাকিব এই মহাজাগতিক প্ৰক্ৰিয়া৷ মহাকাশ সংস্থা NASA ই প্ৰকাশ কৰা তথ্য মতে, ভাৰতৰ কেৱল লাডাখ আৰু অৰুণাচল প্ৰদেশৰ পৰাহে দৃশ্যমান হ’ব এই মহাজাগতিক প্ৰক্ৰিয়া৷ NASA আৰু timeanddate.com য়ে লাইভ ষ্ট্ৰীমিঙৰ লিংক শ্বেয়াৰ কৰিব যাতে সকলোৱে অনলাইন দৃশ্যসমূহ উপভোগ কৰিব পাৰে৷ পঞ্জিকা অনুসৰি, এই সূৰ্যগ্ৰহণ জেঠ মাহৰ অমাৱস্যাত বৃষ ৰাশি আৰু মৃগশিৰা নক্ষত্ৰত সংঘটিত হ’ব। আজিৰ দিনটোত সাবিত্ৰী ব্ৰত আৰু শনি জয়ন্তীও পালন কৰা হ’ব। এই সংযোগ ১৪৮ বছৰৰ পাছত সংঘটিত হ’ব। বৈজ্ঞানিক দৃষ্টিকোণৰ পৰা সূৰ্যগ্ৰহণ এক জ্যোতিৰ্বিদ্যা সম্বন্ধীয় পৰিঘটনা। যেতিয়া চন্দ্ৰ, সূয্য আৰু পৃথিৱী একেডাল ৰেখাত অৱস্থান কৰে। উল্লেখ্য, গ্ৰহণৰ দৃশ্যৰ পৰা বিজ্ঞানীসকলে চন্দ্ৰ সম্পৰ্কে অধিক তথ্য আয়ত্ব কৰে বুলি প্ৰকাশ কৰে নাছাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
