সোনাক্ষী আৰু জাহিৰৰ বিয়াখনৰ বিতৰ্ক শেষ হোৱাই নাই৷ সাত বছৰ প্ৰেমৰ সম্পৰ্কত থকা সোনাক্ষীক বিয়াৰ বাবে সন্মতি দিছিল পিতৃ শত্ৰুঘ্ন সিনহাই৷ তাৰপিছতেই পিতৃ-মাতৃৰ উপস্থিতিত বিশেষ বিবাহ আইনৰ অধীনত বিয়া কৰাইছে সোনাক্ষীয়ে৷ বিয়াত কোনো ধৰ্মীয় আচাৰ পালন কৰা হোৱা নাছিল৷ আইনী মতেই বিয়া কৰাইছিল দুই তাৰকা দম্পত্তিয়ে৷ আড়ম্বৰহীন বিয়াত সোনাক্ষীৰ সাজ-পোছাকতো নাছিল কোনো জাকজমকতা৷ বিবাহৰ চৰ্চা মাৰ নৌযাওঁতেই এতিয়া সোনাক্ষী জাহিৰ হাস্পতাললৈ যোৱা বিষয়টোক লৈহে গৰম সামাজিক মাধ্যম৷